Lionel Messining 11ta avtomobili: 32 mln. EVROli FERRARIdan tortib, TOYOTO PRIUSgacha. Yaqinda «Barselona» etakchisining o'z avtogarajini dunyodagi eng qimmatbaho ferrari bilan boyitgani xususida xabar chiqdi. Jahon futboli durdonasi 1957 yili chiqarilgan Ferrari 335 S Spider Scaglietti uchun naq 32 mln. evro to'labdi.
Xullas, ushbu ulov aynan argentinalik sabab, eng qimmatbaho mashinaga aylandi. Aytilishicha, Leo maxsus auktsionda Ferrari narxini keskin ko'tarib, avvalgi yuqori  ko'rsatkichni naq 3 «limon»ga yaxshilagan. Eng e'tiborlisi, noyob mashinani qo'lga kiritish yo'lida Messiga «Real» hujumchisi Krishtianu Ronaldu asosiy raqobatchi bo'lgani qo'shimcha qilindi. Harqalay, Ispaniyaning AS nashri ma'lumotlariga tayansak, savdoda Leoning futbol maydonidagi asosiy raqibi ham ishtirok etgan.
Garchi nodir mashina «Barselona» vakili mulkiga aylangan bo'lsada, uning shaxsiy avtoparki portugaliyalikniki kabi katta emas. Deylik, ayni payt Ronalduning garajida 20tadan ortiq qimmatbaho avtomobil bor. Ular orasida o'ta nodir va eksklyuziv sanaladiganlari ham bor. Messining avtosaroyida esa bungacha 10ta avtomobil mavjud bo'lib, birorta noyobi yo'q edi. Mana, kemtik to'ldirildi. Biz esa shu bahona Messining futbol jamoasi tarkibi kabi to'liq ko'rinish olgan (11ta mashina) avtoparkiga nigoh solamiz.
Ferrari 335 S Srider SCaGlietti
Eng qiziq faktga e'tibor qarating: agar Messi «yangigina» Ferrarisini sotishga qaror qilsa, olingan mablag' Ronalduning butun avtoparkini 3 marta xarid qilishga etadi. Ya'ni bu pulga Ronaldu avtoparkidan to'liq 3tasini sotib olishi mumkin. Aslida Leo bungacha 400000 dollardan qimmat turuvchi birorta avtomobil xarid qilgan emasdi. Endi esa birdaniga shunday qimmatbaho «toychoq» uning mulkiga aylandi.
Lexus IS-F
Leo «quvvatlantirilgan», sig'imi besh litrli Lexusni ancha oldin sotib olgan. Engil sedan 423 ot kuchiga ega. Hujumchi uni xarid qilgan payt narxi 75000 dollardan boshlangan edi. Leo uchun arzimas xarajat.
Ferrari F430 Spider
Aslida bazaviy yig'iladigan bunday Ferrari uchun 190 ming dollar to'lash kifoya qiladi. Lekin Messi mashinaga yana 1-2ta qo'shimcha funktsiyalar qo'shishlarini so'radi. Xususan, avtomobil maxsus kamyob rang (kulrang) bilan bo'yaldi va uning narxi 250 ming dollarga ko'tarildi. Ushbu «toychoq» atigi 4 soniyada 100 kilometr|soat tezligini olishi mumkin. Maksimal sur'ati esa 315 kilometr|soatga teng. E'tiborlisi, bu Leoning yangi xaridi ko'rsatkichidan 15 kilometr|soatga balandroqdir. Ha, oradan yarim asr o'tibdiki, avtomobillar sur'atida uncha o'zgarish yo'q.
Davomi InterFUTBOL gazetasi blogida.
— deya xabar beradi uff.uz nashri.