Taniqli sport jurnalisti, ustoz Axbor Imomxo'jaev bugun 80 yoshni qarshiladi.
Shu munosabat bilan Uff.uz sayti barcha muxlislar nomida Axbor Imomxo'jaevni muborakbod etadi. Yana uzoq yillar farzand va nabiralariga bosh bo'lib, shogirdlariga pand-nasihatlar berib yurishlarini tilaymiz.
Ustozga barcha yaxshi tilaklarimizni Xayrulla Hamidovning ushbu misralari orqali bildiramiz...
AXBOR DODAGA
Yoshligim esimga tushar daf'atan,
Buyuk sharh ichiga maftun bo'lganim -
O'sha sharh ichida ulg'aydi otam,
Derdilar, shu bir zot mening bilganim...
Sakson yosh! O'v, do'stlar, hazil ish emas,
Ne-ne sinoatlar, ne o'tlug' zamon.
Allohdan so'rovim har dam, har nafas:
Ustozni el uchun aylasin omon!
Sog'inib o'tamiz, kutib o'tamiz
O'sha zo'r sharhlarni zo'r ishtiyoqda.
...She'r yozay, iloyo, Axbor dodamiz
Asrlik to'yini nishonlar chog'da
— deya xabar beradi uff.uz nashri.