«Barselona» himoyachisi Tomas Vermalen Chempionlar ligasi doirasida «Arsenal»ga qarshi kechadigan uchrashuvda gol kiritsa, bayram qilishini bildirdi. Eslatib o'tamiz, Vermalen o'z vaqtida «Arsenal»da to'p surgan.
 - Ha, men «Arsenal» darvozasiga gol ursam, bayram qilaman. Chunki ayni vaqtda o'ynayotgan klubingni ham hurmat qilishing lozim.
Hozir men «Barselona» futbolchisiman va umid qilamanki biz g'alaba qozonamiz. «Arsenal»ga nisbatan iliq hissiyotlar borligini inkor etmayman. Londonliklar har doim menga yaxshi munosabatda bo'lganlar va u erda o'ynaganimdan mamnunman, - deydi Vermalen.
Eslatib o'tamiz, Tomas Vermalen 2014 yilda «Barselona»ga o'tgan va jarohati tufayli ancha vaqt maydonga tusha olmagan edi. U «Arsenal»da besh yil davomida o'ynagan va 150 uchrashuvda ishtirok etgan.
— deya xabar beradi uff.uz nashri.