Futzal bo'yicha o'tkazilayotgan Osiyo chempionati finali boshlanmoqda. O'zbekiston terma jamoasi finalda Eronga qarshi maydonga tushadi.
Uchrashuvni jamoalari quyidagi tarkibda boshlaydilar. Ushbu sahifa orqali uchrashuv tafsilotlari bilan tanishib borishingiz mumkin.
Futzal, Osiyo chempionati
FINAL
O'zbekiston - Eron - 1:2
Gol: Irsaliev 3 - Ahmadi 8, Keshavarz 14
O'zbekiston: Rustam Umarov, Dilshod Rahmatov, Farhod Abdumavlonov, Artur Yunusov, Konstantin Sviridov
Zaxira: Dilshod Irsaliev, Nodir Eliboev. Feruz Faxriddinov, Davron Choriev, Javlon Anorov, Andrey Shlema, Jamoliddin Sharipov, Akmaljon Xazratqulov, Klim Tyugaev
Eron: Sepexr Muhammadiy, Hamid Ahmadiy, Ashgar Hasanzoda, Rizo Sangsefidiy, Xussayn Toyibiy
Zaxira: Alirizo Samimiy, Javod Isfandiyoriy, Muhammad Keshavarz, Alirizo Vafoiy, Qudrat Bahodiriy, Muhammad Toxiriy, Mehran Alixadr, Farhod Tavakkoli, Maxdi Javid
0'. Jamoalar maydonga chiqib kelishdi. O'zbekiston ko'k libosda, Eron esa oq...
0'. Rasmiy shaxslar jamoalar bilan ko'rishib chiqdilar. Terma jamoamiz futbolchilarini sardor Artur Yusupov tanishtirdi.
0'. Madhiyalar yangradi...
0'. Jamoalar davra bo'lgancha o'zaro so'nggi ko'rsatmalarni olmoqdalar.
1'. O'yin boshlandi. To'pni Eron o'yinga kiritdi.
2'. Kichik tashabbus Eron tomonida.
2'. Artur Yunusovga nisbatan qo'pollik ishlatildi. Ammo jarima to'pidan hech narsa chiqqani yo'q.
3. Dastlabki xavfli hujum. Rahmatovning o'ng qanotdan bergan zarbasini darvozabon qo'lidan chiqarib yubordi. Ikkinchi urinishda esa xatosini to'g'riladi.
5'. Gooooolllll!!!!
5'. Dilshod Irsaliev raqib xatosidan foydalanib, hisobni ochdi...
8'. Gol!
8'. Eron hisobni tenglashtirdi. Ahmadi o'ta kuchli zarba bilan darvozani ishg'ol etdi. 12'. Toyibiy bo'sh qolgan darvozaga zarba berishda xatoga yo'l qo'ydi.
14'. Raqib futbolchisi Toxiriyga sariq kartochka ko'rsatildi. Ammo jarima zarbasi ko'ngildagidek amalga oshirilmadi.
14'. Keshavarz standart vaziyatdan unumli foydalanib, gol urdi - 1:2.
14'. Rustam Umarovga tibbiy yordam ko'rsatildi.
15'. Chorievda qulay vaziyat yuzaga kelgan edi. Ammo u yo'llagan zarbani darvozabon qaytardi.
15'. Yo'qotish! Rustam Umarov jarohat olib, maydondan chiqib ketdi. Uning o'rniga Tyugaev maydonga tushirildi. Eslatib o'tamiz, Tyugaev Tailandga qarshi kechgan yarim final uchrashuvidagi penaltilar seriyasida raqib zarbasini qaytarib, qahramon bo'lgan edi.
16'. Mendez bir daqiqalik taym aut oldi.
18'. Endi taym aut olish navbati Eronga keldi. Raqib bosh murabbiyi o'yinning borishidan norozi...
20'. Birinchi bo'lim tugadi. Hozircha finalga mos o'yin...
Tanaffus vaqtida jarohat olgan Rustam Umarov chigilyozdi mashqlari bajardi va darvozada turishga urinib ko'rdi. Ammo jismoniy tayyorgarlik bo'yicha murabbiy bilan o'tkazilgan mashq etarli natija bermadi va Rustam o'yinni davom ettira olmasligi aniq bo'ldi. Darvozabon maydondan chiqib ketarkan. muxlislar uni "Rustam, Rustam" deya olqishlar bilan kuzatib qo'ydilar...
21'. Ikkinchi bo'lim boshlandi.
22'. Kichik tashabbus Eron tomonida.
24'. Klim Tyugaev qutqardi. Raqibning zarbasi ancha kuchli chiqqan edi...
25'. O'zbekiston terma jamoasi kuchli raqibga qarshi munosib o'yin namoyish qilmoqda. Ustunlik esa baribir Eron tomonida...
28'. Klim Tyugaev bir daqiqa ichida ketma-ket ikki marta birga bir vaziyatda kuchli zarbani qaytardi....
30'. Abdumavlonov o'ng qanotdan bergan zarbani Eron darvozaboni Muhammadiy qaytardi. Terma jamoamizda kam sonli qulay vaziyatlardan biri yuzaga kelgan edi.
31'. Abdumavlonovda zarba berish uchun qulay vaziyat yuzaga kelgan edi, ammo u sustkashlikka yo'l qo'ydi va darhol raqib tomonidan jazolandi. Unga nisbatan qo'pollik ishlatildi va futzalchi shifokorlar yordamida maydondan chiqib ketdi.
34'. Fuzalchilarimiz navbatdagi marta standart vaziyatdan foydalana olmadilar.
36'. Mendez bir daqiqalik taym aut oldi. Aftidan murabbiy maydonga beshinchi o'yinchini tushirmoqchi...
37'. Mendezga respekt! Maydonga darvozabon o'rniga beshinchi o'yinchi tushirildi...
37'. Eron to'liq himoyada.
38'. Farhod Abdumavlonovning o'ta kuchli zarbasini Eron darvozaboni yuzi bilan qaytardi. Jarohat olgan Muhammadiyga tibbiy yordam ko'rsatilmoqda...
40'. Eron terma jamoasi bosh murabbiyi hayajonda. Bir daqiqalik taym aut olib, shogirdlariga nimalarnidir uqtirmoqda...
40'. O'yin tugadi. Eron chempion, lekin bizning yigitlarga shunchaki gap yo'q! Balli yigitlar...
— deya xabar beradi uff.uz nashri.