Futbolchilarning mahbubasi bo'lishni kim ham xohlamaydi deysiz? Ayniqsa o'sha futbolchi jahonning eng kuchli o'yinchilaridan biri bo'lsa. Krishtianu Ronaldu yaqin-yaqingacha qalliqlarini qo'lqopdek almashtirib turishni xush ko'rardi. Gapni cho'zib o'tirmay, Ronalduning mahbubalari haqidagi hikoyamizni boshlasak.
Jordana Jardel
Krishtianu Ronaldu «Sporting»da o'ynab yurgan kezlari uning maxbubasi Jordana Jardel edi. Familyasidan payqagan bo'lsangiz kerak, bu o'sha mahshur va taniqli futbolchi Mario Jardelning singlisi edi. Biroq Ronaldu «MYu»ga ko'chib o'tganidan so'ng, ularning munosabatlariga yakun yasaldi.
Merch Romero
2005-yilning oktabrida tabloidlar Krishtianuning yangi sevgi ertagi haqida yoza boshlashdi. Uning Portugaliyada ishlaydigan Andorra televideniesi boshlovchisi Merch Romero bilan ishqiy sarguzashtlari hammaga ma'lum bo'ldi. Merch oldin turmushga chiqib, keyinchalik ajrashgan, buning ustiga Ronaldudan to'qqiz yosh katta edi. Lekin juftlikning munosabatlari uzoqqa cho'zilmaydi. Krishtianuga uning o'zboshimchaligi yoqmay qoladi.
Germaniyada o'tkazilayotgan jahon chempionati paytida Portugaliya terma jamosi bosh murabbiyi Skolari shogirdlariga rafiqalari va mahbubalari bilan muloqot qilishni qat'iyan man etgan bo'lishiga qaramay, Merch Krishtianu bilan uchrashish uchun jamoa oromgohiga boradi. Buning ustiga Romero matbuotga bergan intervyusida futbolchi uning ishqida yonib, hatto Portugaliyaga qaytishga ham tayyor ekanligini e'tirof etadi. Tabiiyki «Manchester Yunayted» vunderkindi uning bu surbetligini kechira olmaydi va xonimning «javobini beradi».
Davomi Furqat Yusupov blogida.
— deya xabar beradi uff.uz nashri.