Xabaringiz bor, bir necha kunlardan so'ng Osiyo chempionlar ligasi guruh bahslari boshlanadi. Osiyo futbol konfederatsiyasi rasmiy sayti mazkur musobaqada porlashi kutilayotgan futbolchilarga nazar tashladi. E'tiborlisi, ular orasida "Paxtakor" jamoasi hujumchisi Igor Sergeev ham bor. Qo'yida OFK taqdim etgan ma'lumotlar bilan Sizlarni tanishtiramiz. Igor Sergeev - "Paxtakor" (Toshkent) OChLda o'tkazgan o'yinlar soni: 18 ta OChLdagi gollari soni: 3 ta Toshkentning "Paxtakor" safida O'zbekiston chempioni bo'lgan va chempionat to'purariga aylangan Igor Sergeev o'zbek futboli yorqin namoyondalari Igor Shkvirin va Aleksandr Geynrix davomchisi sifatida e'tirof etilmoqda. Aprel oyida 23 yoshni qarshilaydigan hujumchi Osiyo chempionlar ligasida porlashi kutilayotgan futbolchilardan biri sanaladi. Sergeev jarima maydonchasida himoyachilarga muammolar to'g'dirib, ajoyib o'yin ko'rsatish qobiliyatiga ega. Shuningdek, OFK rasmiy sayti "Paxtakor" tarbiyalanuvchilari Jamshid Iskanderov, Jaloliddin Masharipov va Vladimir Kozak OChL-2016 musobaqasida yorqin o'yinlari bilan ajralib turishga qodir ekanini ta'kidlab o'tgan. Eslatib o'tamiz, "Paxtakor" Osiyo chempionlar ligasi "S" guruhidan o'rin olgan. Toshkentliklarning guruhdagi raqiblari "Al Hilol" (Saudiya Arabistoni), "Traktorsozi" (Eron) va "Al Jazira" (BAA) jamoalari bo'ladi.
— deya xabar beradi uff.uz nashri.