Shunday futbolchilar borki, ular klubga qaraganda terma jamoalari tarkibida ajoyib o'yin namoyish etib, bir qancha gollar urishadi. Bundaylar toifasiga Kloze va Ali Dailarni kiritish mumkin. Shunday o'yinchilar borki ham klubda, ham terma jamoa to'purarlik qobiliyatini namoyon etishgan. Pele va Pushkash shu toifaga kirishadi. Biz terma jamoasi uchun eng ko'p gol urgan futbolchilar o'nligi haqida ma'lumot berib o'tishni lozim deb topdik.
10. Kiatsak Senamung (Tailand)
Natijasi: 131 o'yin – 70 gol
Senamung Tailand milliy terma jamoasi tarkibida 1992-2007 yillar davomaida to'p surib raqiblar darvozalarini 70 marta ishg'ol qilishga muvaffaq bo'lgan. Kiatsak 2 martadan “xet-trik” va “poker”ga erishgan.
10. Jon Stern (Trinidad va Tobago)
Natijasi: 115 o'yin – 70 gol
Stern Trinidad va Tobago termasi uchun 1995-2012 yillarda 70 golga mualliflik qilgan. Jon faoliyati davomida Angliya klublarida muvaffaqiyatli to'p surgan. U terma jamoasi bilan bir marta jahon chempionatida ishtirok etdi.
9. Miroslav Kloze (Germaniya)
Natijasi: 137 o'yin – 71 gol
Jahon chempionatlari tarixidagi eng sermahsul futbolchi hisoblanadigan Kloze Germaniya termasida 2001-2014 yillar davomida 71 marta raqib posbonlarini ranjitgan. U termasi bilan jahon chempionatining oltin, kumu shva bronza, Evropa chempionatining kumush va bronza medallariga sazovor bo'lgan.
8. Majid Abdulla (Saudiya Arabistoni)
Natijasi: 116 o'yin – 71 gol
Saudiya Arabistoni tarixidagi eng yaxshi futbolchi Majid Abdulla 1977-1994 yillar davomida o'z milliy jamoasi uchin 71 gol urgan. Majid Saudiyaliklar libosida 2 marta “penta-trik” va bir bora “poker” qayd etgan. Abdulla ikki bora Osiyo kubogi g'olibi bo'lgan.
Davomi Furqat Yusupov blogida.
— deya xabar beradi uff.uz nashri.