Oliy liganing 25-turida "Paxtakor" Toshkentda "So'g'diyona"ni qabul qiladi.

Jizzaxliklar hozir oliy ligada o'rinlarini saqlab qolish uchun urinishmoqda va har bir bellashuvda ochkoga ega chiqishga harakat qilishyapti. Shu sababli bu jamoani mag'lub etish ayni paytda hech kimga oson bo'lmasligi tabiiy. Jamoalar oliy ligada 39 bor kuch sinashishgan. "Paxtakor" 31 o'yinda g'alaba qozongan. 4 uchrashuvda "So'g'diyona"ning qo'li baland kelgan. 4 bahsda durang qayd etilgan. To'plar nisbatida ustunlik jamoaiz tomonida: 104-34. "Paxtakor" o'z maydonida o'tkazgan 19ta o'yinning 17tasida g'olib chiqqan. Bitta bellashuvda (1993 yil) tomonlar ochkolarni bo'lib olishgan. Faqat bir marta (1995 yil) "So'g'diyona" safardan uch ochko bilan qaytgan. Toshkentdagi oxirgi 15 o'yinda "Paxtakor" ushbu raqibni mag'lubiyatga uchratib kelmoqda. Birinchi davrada Zominda bo'lib o'tgan o'yinda jamoamiz Karimov bir goli va Sergeevning dubli evaziga 3:0 hisobida zafar quchgandi.

Yoshlar jamoalari bahsi 15 oktyabr, payshanba kuni Qibrayda soat 15:00da boshlanadi. Asosiy tarkiblar uchrashuvi 16 oktyabr, juma kuni soat 17:00da "Paxtakor" stadionida start oladi. Chiptalarni stadion kassalaridan 5 va 15 ming so'mdan xarid qilishingiz mumkin.

"PAXTAKOR" - "SO'G'DIYoNA"
Hakamlar: Murod Muhammedov (Toshkent viloyati), Rasul Fozilov (Namangan), Mo'min Majidov (Namangan), Firdavs Norsafarov (Qarshi).
Nazoratchi: Igor Nexochin (Namangan).
— deya xabar beradi uff.uz nashri.