O'yindan keyingi matbuot anjumanida fikr bildirar ekan “Lokomotiv” ustozi Andrey Miklyaev himoyadagi xato tufayli gol o'tkazib yuborilganini ma'lum qildi.
“G'alabani ko'zlagandik. Xato tufayli gol o'tkazdik. Hech bo'lmaganda so'nggi daqiqalarda mag'lubiyatdan qutulib qolganimizdan xursandmiz. Mavsumdagi birinchi o'yin tabiiyki og'ir kechadi”.
“Navbatdagi bellashuvga qadar Ikrom Aliboev safga qaytishi kerak. Jasur Hasanov yig'inlar davomida jarohat olgani uchun 90 daqiqalik futbolga tayyor emasdi. Timur Kapadzening dastlabki daqiqalardanoq maydonda bo'lishi esa jamoaga qo'shimcha kuch beradi”, – deydi Miklyaev.
Miklyaev bilan matbuot anjumaniga kirgan Sardor Mirzaev o'yin amaliyotining kamligi biroz pand berganini tan oldi. “Lokomotiv”nimag'lubiyatdan qutqarib qolgan futbolchining fikriga ko'ra, uning jamoadoshlari o'yindan-o'yinga kuchayib borishadi.
Eslatib o'tamiz, javob bellashuvi 1 mart kuni Jiddadagi “Qirol Abdulloh” stadionida bo'lib o'tadi. Hozircha har ikki klub 1 tadan ochkoga ega bo'lib turibdi.
— deya xabar beradi uff.uz nashri.