Niderlandiya terma jamoasining afsonaviy hujumchilaridan bo'lgan Patrik Klyuyvert Kyurasao terma jamoasi bosh murabbiyi etib tayinlandi.
39 yoshli mutaxassis jamoani JCh-2018 saralash o'yinlariga tayyorlaydi. Klyuyvert bunga qadar Kyurasao terma jamoasida texnik masalahatchi lavozimida faoliyat yuritayotgan edi.
Kyurasao terma jamoasi JCh saralashi birinchi bosqichida Nikaraguani 1:0 va 2:0 hisoblarida mag'lubiyatga uchratishga muvaffaq bo'lgan. Klyuyvert terma jamoa bosh murabbiyi sifatida ilk bahsni Karib Kubogi doirasida Barbadosa va Dominikan terma jamoalariga qarshi o'tkazadi. Uchrashuvlar 22 va 26 mart sanalarida bo'lib o'tadi.
— deya xabar beradi uff.uz nashri.