"Barselona" klubi sobiq prezidenti Joan Laporta "Real" hujumchisi Krishtianu Ronalduni mazax qilgani haqidagi xabarlarni inkor etdi.
Xabarda aytilishicha, Krishtianu Ronaldu "Malaga"ga qarshi kechgan uchrashuvda (1:1) penaltidan gol ura olmagach, Laporta ijtimoiy tarmoqdagi sahifasiga portugaliyalik hujumchining suratini joylagan va "Nima uchun penaltidan gol ura olmaganimni bilaman, ammo aytmayman", deb yozgan edi. Ammo mutasaddining o'zi bu xabarni inkor etdi.
"Agarda menga mutlaqo aloqasi bo'lmagan narsalarni men bilan bog'lamasalar, juda minnatdor bo'lar edim. Yana bir bor takrorlayman, men raqiblarni har doim hurmat qilaman", - deydi sobiq mutasaddi.
Eslatib o'tamiz, "Barselona" hujumchisi Lionel Messi "Selta"ga qarshi kechgan va 6:1 hisobida kataloniyaliklar g'alabasi bilan tugagan o'yinda penaltidan to'g'ri zarba bermay, to'pni Suaresga etkazib bergan va u darvozani ishg'ol etgan edi. Ronaldu bu haqida "Messi nima uchun penaltidan zarba bermay, o'yin qilganini bilaman, ammo aytmayman", degan edi.
— deya xabar beradi uff.uz nashri.