Osiyo Chempionlar ligasi doirasi, guruh bosqichi doirasida  "Paxtakor" va "Al Hilol" o'rtasida kechadigan uchrashuv boshlanmoqda.
Biz bu uchrashuvni asosiy tarkibda boshlaydigan futbolchilar nomi ma'lum bo'ldi. Ushbu sahifa orqali o'yin tafsilotlari bilan tanishib borishingiz mumkin.
OChL, S guruhi, 1-tur
«Paxtakor» - «Al Hilol» - 2:2 Gol: Yosir Al Qahtoniy (60), Sergeev (70), Yusuf al Salim (84), Davron Hoshimov (89)
«Paxtakor»: Ribkin, Oraxovats, Ahmedov, Karimov, Sergeev, Boltaboev, Sohibov, Tojiev, Hoshimov, Andreev, Kozak.
«Al Hilol»: X.Sharaxili, Al Burayk, Eduardo, A.Sharaxili, Al Faraj, Al Shlhub, Al Shahroni, Kariri, Al Qahtoni, Kvak Tae Xvi, Al Davsari. 1'. Birinchi bo'lim boshlandi
4'. Xozircha maydonda teng kurash. Jamoalar bir birini o'rganmoqdalar.
9'. Adnan Oraxovats raqibni yiqitgandek ko'ringan edi. Ammo bizga shunday ko'rinibdi, hakam jim.
11'. Stanislav Andreev qanotidan uyushtirilgan hujumni "Al Hilol" himoyachilari ortiqcha muammosiz bartaraf etdilar.
14'. Raqibning xavfli hujumini Kozak bartaraf etdi.
15'. Igor Sergeev tomon amalga oshirilgan uzatma hujumchining to'pni to'xtatishdagi sustkashligi tufayli hech narsaga olib kelmadi...
19'. "Paxtakor" tezkor qarshi hujum tashkil etishi uchun Sergeevning tezligi etishmadi. Ammo undan to'pni qabul qilib olgan Sherzod Karimov har holda darvoza tomon zarba berishga muvaffaq bo'ldi. Zarba aniq, ammo kuchsiz. Shu sababli darvozabon ortiqcha muammoga duch kelmadi. Biroq nima bo'lsa ham, ushbu zarba - "Paxtakor"ning ilk zarbasi...
22'. "Paxtakor" burchak to'pini amalga oshirdi. Ammo hujumchi Sergeev shunchaki zarba yo'llash o'rniga to'pni o'ziga o'nglab olishga urinib ko'rdi. Raqib himoyachilari qarab turarmidi, xavfli vaziyat qo'ldan boy berildi.
29'. No''mon Hasanov shogirdlari maydonning raqibga tegishli qismidayoq pressing tashkil qilishga urinib ko'rdilar. Ammo "Al Hilol" nafaqat bosimdan muammosiz chiqib ketdi, balki tezkor qarshi hujum uyushtirib, hisobni ochishlari ham mumkin edi. Baxtimizga raqib hujumchisi qoqilib ketdimi, ishqilib yiqilib tushdi va zarba berishga ulgura olmadi. 33'. Bizga zaxira o'rindig'ida o'tirgan Iskanderov va Masharipov namoyish etildi. To'g'rida, maydonda ko'rsatishga arziydigan hech narsa bo'lmagach, zaxiradagilar ko'rsatiladida...
36'. Yopiq o'yin tomosha qilmoqdamiz. Xohlasak ham, xohlamasak ham.
38'. Stanislav Andreev o'z qanotidan oldinnga o'tishi uchun imkoniyat bor edi, ammo u sustkashlikka yo'l qo'ydi va to'p oldirildi.
39'. Igor Sergeev birga-bir vaziyatdan foydalana olmadi. Maydon keng, halal beradigan biror himoyachi yo'q, darvoza esa ulkan edi. Ammo darvozabon borligini unutib qo'ygan ekanmiz. Sergeevning zarbasi to'g'ri Sharahiliga ataldi...
40'. Sergeevdan yana bir "shedevr". Bu safar ham hujumchi birga-bir vaziyatdan foydalana olmadi. Sergeev avvalgi xatosidan unumli foydalanib, bu safar darvozabonni aldab o'tgan edi, ammo uning kuchsiz zarbasini himoyachi qaytarishga ulgurdi.
44'. Stadionga yig'ilgan muxlislar "Paxtakor", "Paxtakor" deya futbolchilarni ruhlantirishga urinmoqdalar. Ammo hozircha bu etarlicha samara bergani yo'q.
45'. Birinchi bo'limga bir daqiqa vaqt qo'shib berildi.
45'. Birinchi bo'lim tugadi.
46'. Ikkinchi bo'lim boshlandi.
46'. Birinchi bo'limni ko'ra olmagan muxlislar uchun  aytib o'tamiz - ular ko'p narsa yo'qotmadilar. Sergeev boy bergan ikkita birga bir vaziyatni inobatga olmasa, o'yinning birinchi yarimda ahamiyatga molik ko'p narsa bo'lgani yo'q.
47'. Ribkin "bosh qahramon" bo'lishiga sal qoldi. Jarima zarbasidan yo'llangan u qadar kuchsiz bo'lmagan zarbani bir urinishda ushlab qola olmadi. Darvozabonning baxtiga takroriy zarba beradigan raqib yo'q edi va u ikkinchi urinishda to'pni egalladi.
50'. Nihoyat Sergeev ijrosida arzirli bitta zarba ko'rdik. Hujumchining uzoqdan yo'llagan zarbasi kuchli, ammo noaniq chiqdi. 60. Gol! Mehmonlar Yosir Al Qahtoniyning goli evaziga oldinga chiqib olishdi.
66'. "Paxtakor" tashabbusni o'z tomoniga og'dirib olishga urinmoqda...
70'. Gooollll!!!!
70'. Igor Sergeev raqib himoyachilari xatosidan unumli foydalanib, uzoqdan zarba berib hisobni tenglashtirdi.
74'. Sergeev yana uzoqdan zarba yo'lladi. Ammo bu safar zarba na aniq chiqdi, na kuchli...
75'. Zarba berish estafetasi Jamshid Iskanderovga berildi. Ammo uning zarbasi ham darvozabonga aniq yo'naltirildi.
80'. Nikita Ribkin jarohat oldi. Darvozabonga tibbiy yordam ko'rsatilmoqda.
80'. Stanislav Andreev maydondan chiqib ketdi. Uning o'rniga Akbar Ismatullaev tushirildi.
84'. Gol. "Al Hilol" gol urdi.
84'. Markaziy himoyachilar aybi bilan Yusuf "Al Hilol"ning ikkinchi golini kiritdi.
89'. Gooooooollllll!!!!!
89. Davron Hoshimov uzoqdan erlatib kuchli zarba yo'lladi va hisobni tenglashtirdi.
90'. Uchrashuvga uch daqiqa vaqt qo'shib berildi.

— deya xabar beradi uff.uz nashri.