Qarshining «Nasaf» klubi Osiyo Chempionlar ligasi guruh bosqichi birinchi turida safarda Saudiya Arabistonining «Al Ahli» klubiga qarshi maydonga tushdi va mag'lubiyatga uchradi.
Qarshiliklar birinchi bo'limning boshidayoq tezkor gol o'tkazib yubordilar. «Al-Ahli» futbolchisi Muhammad Fatil hisobni ochdi. Ammo 29 daqiqada Abduholiqov muvozanatni tiklashga muvaffaq bo'ldi va «Nasaf» tanaffusga tengma-teng o'yin namoyish qilgan holda chiqib ketdi.
Yomon tomoni, qarshiliklar ikkinchi bo'limda ham tezkor gol o'tkazib yubordilar. 47-daqiqada Omar Soma jamoasining ikkinchi golini kiritdi. Ro'ziqul Berdiev shogirdlari bu safar golga javob qaytarishning imkonini topa olmadilar va safardan mag'lubiyat bilan qaytishga majbur bo'ldilar.
OChL, 1-tur
"Al-Ahli" (S.Arabistoni) - "Nasaf" (O'zbekiston) 2:1
Gol: Muhammad Fatil (2), Omar Soma (47) - B.Abduxoliqov (29)
“Al Ahli”: Abdulloh Mayuf, Volid Baxshin, Fahad Hamad, Muhammad Fatil, Omar Soma, Jiannis Fetfatsidis, Husayn Mugahvi, Islom Seraj, Muhammad Aman, Amiri Kurdi, Komil Musa.
“Nasaf”: Eldorbek Suyunov,Maqsud Karimov, Ildar Mamatkazin, Aziz G'aniev, Shuhrat Muhammadiev, Ilhom Shomurodov, Dilshod Rahmatullaev, Artur Gevorkyan, Erkin Boydullaev, Sherzod A'zamov, Bobur Abduxoliqov.
— deya xabar beradi uff.uz nashri.