Ispaniya chempionatida dunyoning eng kuchli hujumchilari to'p surayotgani hech kimga sir emas. Biz ayni paytda faoliyat yuritayotgan hujumchilar orasida La Ligada eng ko'p gol urganlari haqida to'xtalib o'tishni joiz deb topdik.
6. Roberto Saldado. 229 o'yin – 105 gol
“Real” tarbiyalanuvchisi bo'lgan Soldado 2004 yildan beri “Real”, “Osasuna”, “Xetafe”, “Valensiya” va “Vilyareal” kabi jamoalar uchun Ispaniya chempionatida 105 ta gol kiritgan. Roberto eng ko'p golini “Valensiya” uchun urgan – 59 ta. U 2012-2013 yilgi mavsumda 24 ta golga muallif bo'lib, shaxsiy rekordini o'rnatgan. Ispaniyalik hujumchi bir marta La Ligada champion bo'lgan. Afsuski so'nggi paytlarda u oldingidek to'purarlik qobiliyatini namoyish eta olmayapti.
5. Karim Benzema. 207 o'yin – 106 gol
Benzema 2009 yildan buyon Madridning “Real” jamoasida to'p surib kelmoqda. U 7 yildan buyon La Ligada 100 dan ortiq gol urib, bir marta mamlakat chempionligini qo'lga kiritdi. Karim uchun chempionatdagi eng omadli mavsum 2011-12 yili bo'lgan edi. O'shanda u Mourino qo'l ostida 21 ta gol urgan. Ushbu mavsum frantsuz forvardi shaxsiy rekordini yangilash imkoniyatiga ega. U bu yili 19 o'yinda shuncha marta zafar quchgan.
4. Alvaro Negredo. 264 o'yin – 113 gol
Negredo “Rayo Valekano”, “Almeriya”, “Sevilya” va “Valensiya” jamoalari sharafini himoya qilib, La Ligada o'z nomini 113 marta tabloga yozdirib qo'yishga muvaffaq bo'lgan. Uning eng omadli davrlari “Sevilya”da o'tdi. Alvaro Andalusiyaliklar safida 4 mavsumda 70 ta gol urganini ta'kidlab o'tish joiz. Uning bir mavsumdagi shaxsiy rekordi – 25 golga teng.
3. Arits Aduric . 229 o'yin – 125 gol
Arits Primeroda “Valyadolid”, “Malaga”, “Valensiya” va “Atletik”da harakat qilib, 125 marta raqib posbonlarini ranjitgan. Aduric oxirgi 4 mavsum davomida Bilbaoliklar safida La Ligada 10 tadan kam gol urmayapti. Uning shaxsiy rekordi – 18 golga teng. Eng qizig'i mana shunday to'purar hujumchi Ispaniya terma jamoasida atigi bitta uchrashuvda maydonga tushgan.
2. Krishtianu Ronaldu. 225 o'yin – 247 gol
Portugaliyalik super hujumchi 2009 yildan buyon “Real” tarkibida La Ligada 247 ta gol urgan. Ayni paytda u Ispaniya chempionati tarixidagi eng yaxshi to'purarlari orasida 3-o'rinda bormoqda. Krishtianu 5 mavsum davomida 30 tadan, 2 mavsumda esa 20 tadan ortiq gol urgan. U 2011, 2014 va 2015 yillarda “Pichichi” sovrini va “Oltin butsa”ni qo'lga kiritgan. Afsuski Ronaldu chempionatda shuncha gol urgan bo'lsa ham, atigi bir marta mamlakat chempioniga aylangan.
Davomi Furqat Yusupov blogida.
— deya xabar beradi uff.uz nashri.