Iste'dodli yarim himoyachi Aziz Ibragimov yangi mavsumni ham «Buxoro»da boshlaydigan bo'ldi. Mavsumlar oralig'ida yuzaga kelgan ta'tilning katta qismini Chexiyadagi uyida o'tkazgan futbolchi fevral oyi boshlarida ko'hna shaharliklar mashg'ulotlariga kelib qo'shildi.
Bu yil «Buxoro» oldiga jiddiy vazifalar qo'yilyapti. Ma'lumotlarga qaraganda, jamoa OChL yo'llanmalari uchun kurashadi. Klubning yillik byudjeti ham bunga imkoniyat beradi. Qolaversa, tarkibga jalb etilgan futbolchilarga qarab ham shunday xulosa yasash mumkin. Biz mavsumga tayyorgarlik doirasidagi navbatdagi o'rtoqlik uchrashuvidan so'ng Aziz Ibragimovdan intervyu oldik.
- Jamoa bilan kelishuvga erishdingizmi?
- Hali rasman shartnoma imzolamadim. Lekin mavsumni «Buxoro»da boshlashim deyarli hal bo'lgan.
- Sizda yangi mavsumni xorij klublarining birida boshlash varianti ham bor edi. Lekin jamoangizni almashtirmadingiz. Buning sababi nimada?
- Haqiqatan ham, xorijdan bir nechta jiddiy takliflar bo'ldi. Masalan, Albaniya chempionatining amaldagi bronza medali sovrindori - «Partizani» safiga qo'shilishim mumkin edi. Tirana shahri sharafini himoya qiluvchi jamoa menga jiddiy tarzda qiziqish bildirgandi. Lekin kelishuv ayrim sabablarga ko'ra amalga oshmay qoldi. Ammo bu mavzu to'laligicha yopilgani yo'q.
«Partizani» murabbiylari hali mening pozitsiyamda o'ynaydigan futbolchi xarid qilishmadi. Bundan tashqari, Isroil chempionatining bir nechta klublaridan ham takliflar keldi. Bilasizmi, legionerlar masalasi juda nozik. Pasport bilan bog'liq muammolar bor. Aksariyat jamoalar menga fuqarolikni taklif qilishdi. Faqat shu yo'l bilan o'sha jamoalar safiga o'tishim mumkin edi. Tabiiyki, bu menga ma'qul kelmadi. Ayrim klub murabbiylari esa o'yinimdan to'liq qoniqish hosil qilishdi. Lekin yoshimga e'tiroz bildirishdi. Bu jamoalar asosan yosh futbolchilar bilan shartnoma imzolasharkan.
- Ushbu klublar bilan o'zingiz muzokara olib bordingizmi?
- Bolgariyalik futbol agenti Vladimir Koev bilan bir necha yildan beri hamkorlik qilib kelyapman. Aynan u Albaniya hamda Isroil klublarining qiziqishlarini o'rganib, muzokara o'tkazdi. Davomi InterFUTBOL gazetasi blogida.
— deya xabar beradi uff.uz nashri.