Xalqaro futbol olami katta o'zgarish arafasida turibdi. Har holda FIFA prezidentligiga nomzodlarning va'dalari, saylovoldi dasturlariga ishonilsa shunday.
Saylov bugun Shveytsariyaning Tsyurix shahrida bo'lib o'tishi rejalashtirilgan. FIFAning navbatdan tashqari kongressida xalqaro tashkilotga a'zo 207 mamlakat vakillari yangi perezidentni saylashadi. Shu bilan FIFAni qariyb 20 yil mobaynida boshqargan Zepp Blatterning “oltin davri” poyoniga etadi.
Blatterning o'rni egallash uchun 5 nafar nomzod ro'yxatga olingan. Bular:
— Shahzoda Ali al-Husayn — Iordaniya shahzodasi;
— Shayx Salmon — OFK rahbari;
— Tokio Sevale — JARning sobiq vaziri;
— Jerom Shampan — FIFA bosh kotibining sobiq o'rinbosari;
— Janni Infantino — UEFA bosh kotibi.
Tafsilot.uz sayti avvalroq FIFA prezidentligi uchun kurash olib borayotgan nomzodlar bilan tanishtirib, ularning saylovoldi dasturlarida ilgari surilgan muhim g'oyalar haqida ma'lumot bergan va saylovdagi imkoniyatlarini chamalab ko'rgan edi.
Ayni paytda FIFA Kongressi boshlangan. Mazkur tadbirda O'FF bosh kotibi Sardor Rahmatullaev va matbuot kotibi Sanjar Rizaevlar qatnashishmoqda. Aynan ular mamlakatimiz nomida FIFAning yangi prezidenti kim bo'lishini hal etishadi. Ko'p ehtimol bilan ular OFK rahbari Shayx Salmonga ovoz berishlarini taxmin qilayapmiz.
Davomi Tafsilot.Uz blogida.
— deya xabar beradi uff.uz nashri.