Bugun 28 fevral kuni soat 10:00da "Lokomotiv" futbolchilari Jiddaga – “Al-Ittixod” bilan o'yin uchun yo'l olishadi.
Mirko Yelichich hamda Andrey Miklyaev kecha asosiy tarkibning barcha futbolchisi bilan mashg'ulot olib borishdi. Ulardan uch nafari – Jasur Hasanov, Rustam Nortojiev hamda Sergey Proxorov poytaxtda qolishadi. Hasanov chempionlar ligasining 1-turida maydondan chetlatilgan, shu boisdan u “Lokomotiv”ning xalqaro maydondagi ikki uchrashuvini qo'yib yuborishga majbur. Dastlabki turni jarohati sabab o'tkazib yuborgan Ikrom Aliboev o'zini yaxshi his qilmoqda va u ertaga asosiy tarkib bilan Saudiyaga jo'nab ketadi.
“Al-Ittixod”ga qarshi takroriy o'yin 1 mart kuni Toshkent vaqti bilan 22:40 da start oladi. 1-turdan keyin har ikki jamoa hisobida 1 tadan ochko bor.
Jiddaga yo'l olgan tarkib:
Darvozabonlar: Ignatiy Nesterov, Ma'mur Ikromov
Himoyachilar: Nemanya Yanichich, Islom To'xtaxo'jaev, Sherzod Fayziev, Xurshid Muxtorov, Salim Mustafoev, Oleg Zoteev, Ikrom Aliboev.
Yarim himoyachilar: Kaxi Maxaradze, Sadriddin Abdullaev, Timur Kapadze, Quvondiq Ro'ziev, Server Jeparov, Sanjar Shoahmedov, Sardor Mirzaev.
Hujumchilar: Temurxo'ja Abduxoliqov, Doniyor Usmonov, Marat Bikmaev, Ivan Nagaev.
— deya xabar beradi uff.uz nashri.