“Lokomotiv”ga qarshi takroriy o'yin oldidan “Al-Ittixod” futbolchilari Saudiya chempionatining markaziy bellashuvida zafar quchishga muvaffaq bo'lishdi. Turnir jadvalida etakchilik qilayotgan “Al-Hilol” uyiga safar etgan jiddaliklar Ziyod As-Sahafining 6-daqiqada kiritgan yagona goli evaziga g'alaba qozonishdi. Viktor Pitsurke “temiryo'lchilar”ga qarshi tanlab olgan boshlang'ich tarkibida faqatgina 1 ta o'zgarishga qo'l urdi. Lusian Sanmartin zahirada qoldirildi. Qolgan 10 ta futbolchi “Al-Hilol”ga qarshi dastlabki daqiqalardanoq harakat qilishdi. Mazkur g'alabadan keyin “Al-Ittixod” ochkolari sonini 39 taga etkazib oldi. 18-turda “Al-Ahli” ham mag'lub bo'lganini inobatga olsak, peshqadamlar bir-birlariga anchagina yaqinlashib qolishdi. 1. Al-Hilol      18 13  1  4  38:16  40
2. Al-Ahli        18  11 6  1  32:12  39
3. Al-Ittixod  18 12  3  3  40:22  39 Ko'rib turganingizdek “Al-Ittixod” chempionatda eng ko'p gol urgan jamoaga aylanib olgan. Eslatib o'tamiz, seshanba kuni jiddaliklar Toshkentda “Lokomotiv” bilan 1:1 hisobida durang o'ynagan bo'lishsa, “Al-Hilol” poytaxtning boshqa bir klubi bilan 2:2 hisobiga imzo chekkandi. “Al-Ittixod” – “Lokomotiv” o'yini seshanba – 1 mart kuni Toshkent vaqti bilan 22:30 da start oladi. AL-HILOL – AL-ITTIXOD 0:1
Gol: Ziyod As-Sahafi, 6 (0:1).
“Al-Ittixod”: 12. Assaf Al-Qarni — 4. Salli Muntari (50. Gusay Sa'd, 63), 8. Fahad Al-Muvallad, 9. Jermin Rivas, 10. Abdulfattoh Asiri (33. Yosin Hamza, 70), 13. Ahmad Asiri, 15. Jamol Bajanduh (23. Muhammad Abusaban, 90), 27. Avad Ali Al-Yami, 29. Abdulrahmon Al-Gamdi (7. Ahmad An-Nazira, 77), 30. Ziyod Abdulvohid, 51. Majid Al-Xaybari.
Ogohlantirishlar: Muhammad Jahfali (5) — Fahad Al-Muvallad (21), Abdulfattoh Asiri (31), Majid Al-Haybari (70), Yosin Hamza (79), Salli Muntari (87).
— deya xabar beradi uff.uz nashri.