Angliyaning “Chelsi” hamda “Manchester Siti“ klublari kelayotgan yozda Frantsiyaning “Pari Sen-Jermen“ jamoasi hujumchisi Edinson Kavani uchun jiddiy ko'rash olib borishadi. Bu haqida The Sun nashri xabar tarqatdi. Manbada aytilishicha, 1-Liga peshqadami urugvaylik futbolchini 30 million funt evaziga sotishga tayyor va Premer-liganing ikki vakili ham talab qilinayotgan qiymat to'lashga tayyor. Yozda Xiddinkning o'rniga “Chelsi“ bosh murabbiyi lavozimiga kelishi kutilayotgan Antonio Konte 29 yoshli futbolchi iste'dodining shaydosidir. “Siti“ bo'lajak ustozi Xosep Gvardiola esa Kavaniga argentinalik hujumchi Serxio Agueroning hujum chizig'i bo'yicha sherigi sifatida qaramoqda. Ta'kidlanishicha, “Manchester Yunayted“ ham Kavaniga qiziqmoqda, ammo jamoa EChLga yo'llanma qo'lga kirita olmasa, katta ehtimol bilan Kavanining imzosi uchun kurashdan chiqib ketadi.
— deya xabar beradi uff.uz nashri.