Angliya chempionatining 27-turidan o'rin olgan “Manchester Yunayted” hamda “Arsenal” o'rtasidagi uchrashuv o'z nihoyasiga etdi. Unda 3:2 hisobi qayd etilib, mankunianliklar foydasiga hal bo'ldi. Uchrashuvning 29-daqiqasida "MYu"ning 18 yoshli hujumchisi Markus Reshford hisobni ochgan bo'lsa, 3 daqiqadan so'ng u dubl qayd etishga muvaffaq bo'ldi. 40-daqiqada Denni Uelbek hisobni qisqartirdi va jamoalar tanaffusga 2:1 hisobida chiqib ketishdi. Ikkinchi bo'limning 65-daqiqasida Markus Reshfordning uzatmasidan so'ng Ander Errera kuchli zarba yo'lladi. Uning yo'llagan to'pi esa Loran Koselniga tegib o'z yo'nalishini o'zgartirdi va Chex darvozasi to'ridan joy oldi. "Arsenal" tushkunlikka tushmadi va hujumlarga zo'r bera boshladi. 69-daqiqada Mesut O'zil yana hisobni qisqartirdi - 3:2. Shundan so'ng o'yinda hisob o'zgarmadi va Lui van Gal shogirdlari qiyinchilik bilan bo'lsa-da, o'z maydonida g'alaba qozonishga muvaffaq bo'ldi. Angliya chempionati, 27-tur Manchester Yunayted — Arsenal - 3:2
Gollar: Reshford (29, 31), Errera (65) - Uelbek (40), O'zil (69)
Ogohlantirishlar: Varela (9), Kerrik (22), Errera (72), Yanuzay (90) - Remzi (72), Elneni (74), O'zil (93)
Manchester Yunayted: De Xea, Blind, Varela, Roxo (Fosu-Mensa, 55), Kerrik, Errera (Veir, 90), Shnayderlin, Lingard, Mata, Depay, Reshford (Yanuzay, 80).
Arsenal: Chex, Koselni, Monreal, Gabriel, Belerin, Koklen (Elneni, 70), O'zil, Uolkott (Jiru, 63), Remzi, Sanches, Uelbek (Ayvobi, 83).
— deya xabar beradi uff.uz nashri.