Ispaniyalik taniqli jurnalist Gilem Balage Madridning «Real» klubi yarim himoyachi Xames Rodrigesni mavsum oxirida  sotib yuborishini xabar qildi.
"Madridliklar aslida Ronalduni sotib yubormoqchilar, ammo uni katta pulga sotib oladigan klub topilishi ehtimoli kam bo'lgani tufayli «Real» yangi transferlar uchun pul topishda boshqa yo'ldan ketmoqchi.
«Real» oxir oqibat Xamesni sotishga va undan tushgan pulga boshqa futbolchi sotib olishga qaror qilgan", - deydi Balage.
Eslatib o'tamiz, Xames Rodriges Ispaniya chempionati doirasida kechgan 17 uchrashuvda maydonga tushgan va 5 ta gol urib, 6 ta golli uzatmani amalga oshirgan. Eslatib o'tamiz, biroz vaqt muqaddam Karlo Anchelotti Xames Rodrigesni "Bavariya"ga olib kelmoqchiligi xabar qilingan edi.
— deya xabar beradi uff.uz nashri.