Bugun bahorning ilk kuni. Yana sanoqli kunlardan so'ng, futbol muxlislari intiqib kutgan onlar keladi. Aniqrog'i, 5 mart kuni 2016 yilgi Oliy liga bahslariga start beriladi. Yangi mavsum arafasida har bir jamoa o'z tarkibini imkoniyatidan kelib chiqan holda to'ldirishga muvaffaq bo'ldi. Jumladan, “Qo'qon-1912“ jamoasi ham bir qator yangi o'yinchilar kelib qo'shilishdi. Bu yilgi mavsum ham qiziqari va keskin kurashlarga boy tarzda o'tishini taxmin qilish mumkin. Jamoadagi yangiliklarga kelsak, “Navbahor” bilan o'yindan keyin futbolchilarga bir kunlik ta'til berildi. Bugundan esa yana mashg'ulotlar ikki mahaldan o'tkaziladi. Barchaning e'tibori “Obod” bilan bo'lib o'tadigan uchrashuvga qaratilgan. Eslatib o'tamiz, 1-turda “Qo'qon-1912” jamoasi aynan oliy liga debyutani “Obod” jamoasini qabul qiladi. Mazkur uchrashuv 5 mart kuni Qo'qondagi “Markaziy” o'yingohda bo'lib o'tadi. 4 mart kuni esa ushbu jamoalarning o'rinbosarlari Yoshlar ligasi doirasida maydonga tushishadi. Aytgancha, bugun va ertaga mamlakatimizning to'rtta etakchi jamoalari Osiyo Chempionlar ligasi doirasidagi ikkinchi tur o'yinlarini o'tkazishadi. Taqvimga ko'ra, to'rt jamoamiz yana Saudiya Arabistonining to'rt jamoasiga qarshi o'ynaydi. Bu gal “Lokomotiv” va “Paxtakor” mehmonda to'p sursa, “Bunyodkor” va “Nasaf” raqiblarni o'z maydonida qabul qiladi. Fursatdan foydalanib, OChLda ishtirok etayotgan jamoalarimizga omad tilab qolamiz.
— deya xabar beradi uff.uz nashri.