Ronaldo haqidagi hikoyamizni davom ettiramiz.
 
Ronaldo 2000/2001 yilgi mavsumni to'liq o'tkazib yuboradi. 2001 yilning dekabrida esa u AQShga, keyin Frantsiyaga bordi. Frantsiyadan dam olishdan qaytgan Ronaldoga shifokorlar o'ynashga ruxsat berishdi. U ilk marotaba «Marakana» stadionida, o'rtqolik uchrashuvida maydonga tushdi. U bilan maydonda Ziko va Shumaxer ham to'p surishdi. O'yin shampan vinolari ochilishi bilan tugaydi.
 
Nihoyat Italiyaga qaytish vaqti keldi. «Inter» murabbiyi Tardelli ham, prezident Moratti ham Ronaldoni birmuncha vaqt faqatgina o'rtoqlik uchrashuvlarida maydonga tushishini bilar edi. Ana shu o'rtoqlik bahslarida u 3 ta o'yinda 5 ta gol uradi. Maydonga tushgan chog'i esa uning muxlislari «Fenomen» qo'shig'ini kuylab kutib olishdi.
Endi Ronaldo har kuni tinimsiz mashq qila boshladi. U faqatgina «Nike» kompaniyasi bilan bog'liq sud jarayonlari kuni mashqdan ozod bo'ladi. Muxlislar jahon chempionatini va ayniqsa unda Ronaldo to'p surishini intiqlik bilan kutishardi. Buni futbolchini o'zi ham kutardi. Shu sababli tinimsiz mashqlar qila boshladi. U o'zini terma jamoaga qabul qilinishini aniq bilmasa ham tayyorgarlikni to'xtatmaydi. «A» seriyaning so'nggi 4 ta uchrashuvida maydonga tushib, 4 ta gol bilan jamoasiga yordam beradi. Natijada Skolari terma jamoaga Romarioning o'rniga Ronaldoni oladi…
 
Fantastik tarzda kechgan mundial bahslaridan so'ng Ronaldo o'zi uchun «jarohatlar maskani»ga aylangan «A» seriyani, Ispaniya la ligasiga almashtirishga qaror qiladi. Aytish joizki unga «Inter»dan ketish ham oson bo'lmaydi. Sababi uning butun jarohatlarini aynan shu jamoa davolagan edi. Lekin Ronaldoning o'yin darajasi «Inter»nikidan anchagina yuqori edi. Madridning «Real» klubi braziliyalik «fenomen» uchun 45 mln. dollarning bahridan kechadi.
 
«Real»
Dahoning bu galgi qarori hammasidan oshib tushadi. Uni eshitgan «Barselona» muxlislari o'zlarini qo'yarga joy topa olmay qoladilar. Chunki gollarini o'ziga xos «aeroplan» tarzida nishonlaydigan Ronaldo endi Kataloniyaliklarning azaliy raqibi hisoblanmish «Real» libosida paydo bo'lgandi. Ronaldo ilk uchrashuvdanoq gol kirita boshladi. Uning orzusi «El-klasiko»da o'ynash edi. Biroq gripp sababli birinchi klasikoni o'tkazib yuboradi. Ammo navbatdagi «El-klasiko» bahsida maydonga tushib gol urishga muvaffaq bo'ldi.
«Fenomen» odatdagidek birinchi mavsumini ajoyib tarzda o'tkazadi. «Real» Qit'alararo Kubok sohibiga aylanadi. Finalda Ronaldo Paragvayning «Olimpiya» jamoasi darvozasiga to'p kiritib jamoasi g'alabasiga o'z xissasini qo'shdi. Yil yakunida esa Evropa va Dunyoning «eng yaxshi futbolchisi»ga atalgan sovrinlarni qabul qilib oladi. «Laureus» - 2002 sovrining «Yil qaytishi» nominatsiyasida ham g'olib bo'ladi. Premero bahslarida raqiblar darvozalariga 23 ta to'p kiritib,  to'purarlar poygasida «Deportivo» hujumchisi Roy Makaaydan keyingi ikkinchi o'rinni egallaydi va «Real»ning chempion bo'lishiga katta xissa qo'shdi.
Chempionlar Ligasi pley-off bahsida esa «Manchester Yunayted»ga qarshi «Old Trafford»da o'tkazilgan bahsda 3 ta gol kiritib «xet-trik»ka erishadi va jamoasining keyingi bosqichga yo'l olishini ta'minlaydi. Ammo o'sha mavsumda «galaktikos»ga Chempionlar Ligasida zafar quchish nasib etmaydi. ½ finalda jamoa yo'liga «Yuventus» to'g'anoq bo'ladi. 2003 yilgi mavsum yakuniga ko'ra esa ESPN USA talqini bo'yicha «yilning eng yaxshi futbolchisi», Ispaniya la ligasida «eng yaxshi lotin amerikalik o'yinchi» TCI mukofoti «yilning eng yaxshi sportchisi», Ispaniya va Lotin Amerikasining «eng yaxshi sportchisi» nominatsiyalari bo'yicha g'olib bo'ladi. Dunyoning eng yaxshi futbolchisi so'rovnomasida esa Zayniddin Zidandan keyingi 2-o'rinni qo'lga kiritadi. Bir yil ichida shuncha unvon. Bundan ortig'i bo'lmasa kerak.
Davomi Furqat Yusupov blogida.
— deya xabar beradi uff.uz nashri.