“Nasaf” – “Al-Ahli” uchrashuvi oldidan o'tkazilgan matbuot anjumanining dastlabki qismida “Al-Ahli” (Saudiya Arabistoni) jamoasining bosh murabbiyi Kristian Gross va 99-raqamdagi jamoa himoyachisi Komil Al Musolar ishtirok etishdi. Anjuman boshida mehmon jamoa vakillari bo'lajak o'yinlar haqidagi fikrlarini bildirib o'tishdi. IMG_2840 Kristian Gross: Assalomu alaykum hurmatli jurnalistlar, “Nasaf” bilan juda qiyin uchrashuvni o'tkazib g'alaba qozondik, Qarshiga yana ijobiy natija uchun keldik, ertaga biz uchun qiyin uchrashuv bo'lishini sezib turibmiz. Shunday bo'lsada ijobiy natija uchun o'ynaymiz. Komil Al Muso: Biz ertaga O'zbekistonining eng kuchli jamoasi bo'lmish “Nasaf” bilan navbatdagi uchrashuvni o'tkazamiz, raqibimiz juda kuchli jamoa shuning uchun bizga oson o'yin bo'lmaydi. Ammo biz ertaga ijobiy natija uchun maydonga tushishga tayyormiz. – O'tgan yilgi “Nasaf” bilan bu yilgi “Nasaf”ni sizningcha farqi nimada?
– Jamoa o'yinida katta o'zgarishlarni sezmayapman ammo o'tgan o'yinda maydonga tushmagan 18-raqamadgi Bahrom Abdurahimov ertaga o'ynashi mumkin, ushbu futbolchi juda tez harakat qiladi, albatta bu jamoaning o'tgan o'yinidagi chap qanot muammosini hal qilishi mumkin. Oldin ham aytganman jamoada boshqa kuchli o'yinchilar ham etarli darajada. Jamoa juda tezkor o'yin namoyish etadi. – Ayrim etakchi o'yinchilaringiz nega Qarshiga kelmadi?
– Ushbu o'yinchilarimiz kelmasa ham jamoamizda tajribali o'yinchilar etarli zahira o'rindig'imiz ham kuchli, xavotirga asos yo'q. - Umar Accomaning Qarshiga kelmasligining asosiy sababi nima?
– U ichki chempionatimizdagi o'tgan o'yinda kichik jarohat olgandi shuning uchun uni bu o'yinga olib kelmadik, chunki tiklanishi kerak chempionatimizda ham muhim o'yinlar kutib turibdi, uning o'sha o'yinlarga ham keragi bor. -Guruhda qaysi jamoaning OChLdagi imkoniyati yuqori deb hisoblaysiz?
-Hozir bir narsa aytish qiyin faqat “Nasaf” jamoasi o'yinini ko'rdik qolgan jamoalarni hali qay darajada ekanligidan xabarim yo'q. Ammo “Nasaf” ham bemalol yuqori natijalarga davogarlik qila oladigan jamoa. -Siz doimo “Nasaf” jamoasi bosh murabbiyi Ro'ziqul Berdiev to'g'risida iliq fikrlar bildirib kelasiz, sizga uning qaysi jihatlari ko'proq yoqadi? -Biz murabbiylar doimo bir-birimizga chuqur hurmatda bo'lishga harakat qilamiz. Ammo Berdievga nisbatan bugina emas, ushbu murabbiy zamonaviy futbolni yaxshi biladi, jamoani tezkor o'ynashga o'rgatgan. Shuningdek yaqinda bo'lib o'tgan Superkubok uchrashuvini ham ko'rdim, ushbu o'yin fikrimga yaqqol dalil bo'la oladi, ular ajoyib o'yin namoyish etishdi. Albatta jamoaning bunday yutuqlari zamirida Berdievning katta mehnati yotibdi. Mehmon jamoa vakillari jurnalistlarning barcha qiziqtirgan savollariga javob berib o'tishdi.
— deya xabar beradi uff.uz nashri.