Bugun “Markaziy” stadionda katta futbol. Qarshi shahrida bu yilgi Osiyo chempionlar ligasining ilk uchrashuvi bo'lib o'tadio'tkaziladi. Shuni e'tiborga olib, stadionga kirish tartibi va stadionda muxlislarning o'zini qanday tutish tartiblari haqida eslatib o'tmoqchimiz.
Bugun uchrashuv soat 18:00da boshlanadi. Futbol ishqibozlarining stadionga kirishiga soat 16:00dan ruxsat etiladi.
Muxlislardan so'rar edikki, stadionga har qanday idishda ichimliklar, turli buyumlar olib kirishga urinmang.  Suv,  sharbatlar  va engil ovqatlar savdosi stadion hududida tashkil etiladi. Shuningdek voyaga etmagan bolalarni ham mustaqil stadionga kirishiga ruxsat etilmaydi. Bolalar o'zlarining ota-onalari yoki yaqinlari bilan stadionga kirishlari mumkin.
OFK tomonidan  bu yilgi mavsumda o'yingohdagi tartibsizliklar  uchun bir qancha iqtisodiy jarimalar ko'lami oshirilgan. Masalan, plastik suv idishini maydonga uloqtirish 2 000 AQSh dollarigacha jarimaga tortilishiga sabab bo'ladi. Albatta bu siz yaxshi ko'rgan klub iqtisodiga katta zarar kelitirshi mumkin.
Biz, er yuziga madaniyat va ilm tarqatgan avlodning farzandlarimiz. Shunday ekan keling, bayramni bayramdek o'tkazaylik. Sevimli “Nasaf” jamoasiga sidqidildan muxlislik qilaylik. Miriqib dam olaylik.
Eslatib o'tamiz, chiptalar sotuvi davom etmoqda va soat 14:00da to'xtatilishi mumkin. Muxlislarning stadionga kiritilishi o'yin boshlanishiga yarim soat qolganda to'xtatilishi mumkin. Shuning uchun agar siz uchrashuvni bevosita stadionda tomosha qilishni maqsad qilgan bo'lsangiz, vaqtida chipta xarid qilib,  marhamat “Markaziy”ga vaqtliroq tashrif buyuring.
Bugungi uchrashuv shuningdek Sport TV va Qashqadaryo TV orqali to'g'ridan-to'g'ri namoyish etiladi. Sport TVda o'yinni taniqli futbol sharhlovchisi Murod Rizaev sharhlab boradi. Qashqadaryo TVda esa o'zimizning ustoz futbol sharhlovchimiz Xusan aka Temirov ushbu o'yinning sharhiga tayyorgarlik ko'rmoqdalar.
Ha, bugun Qarshida katta futbol bayrami. Barcha futbol ishqibozlariga yaxshi kayfiyat hamroh bo'lishini tilab qolamiz.
Manba: voha.uz
— deya xabar beradi uff.uz nashri.