Yangi mavsum boshlanishi oldidan “Andijon” klubi rahbariyati  viloyatda faoliyat yurituvchi OAV vakillari bilan uchrashuv tashkil qildi.
“Andijon” klubi vitse-prezidenti Ma'rufjon Abdusalomov jamoa oliy ligada  o'z oldiga jiddiy maqsadlarni qo'ygani, hamda mavsum davomida klubdagi yangiliklarini xolisona yoritib borishda sport jurnalistlarining o'rni katta ekanligi haqida gapirib, klub tomonidan “Barkamol avlod” stadionida ommaviy axborot vositalari vakillari uchun etarli darajada sharoitlar yaratish ustida ish olib borilayotganini bildirdi.
Jamoa rahbari yig'ilganlarga oliy liga va Kubok o'yinlarini sifatli va tezkor tarzda ishqibozlarga etkazish uchun o'yingohda OAV xodimlari uchun alohida yangi media-markaz, yuqori tezlikdagi internet hamda matbuot anjumani o'tkazish uchun joylar tashkil  etilayotganini haqida ma'lumot berdi.      
Muloqot davomida televidenie, bosma nashrlar va internet sohasida ish olib boruvchi jurnalistlar o'zlarini qiziqtirayotgan savollarga batafsil javob oldilar. Elmurod ERMATOV, Andijon  
— deya xabar beradi uff.uz nashri.