"Barselona" himoyachisi Xerard Pike Ispaniya chempionati 27-turida "Rayo Valekano"ga qarshi kechgan uchrashuv vaqtida jamoadoshi Xaver Maskeranoga penalti tepishni taklif qilgan.
Ammo argentinalik himoyachi bu taklifni rad etgach, o'n bir metrlik belgidan zarba berish uchun Luis Suares to'pga yaqinlashgan. Eslatib o'tamiz, Suares ushbu penaltini aniq amalga oshira olmadi, ammo kataloniyaliklar 5:1 hisobida g'alabaga erisha oldilar.
Biroz vaqt muqaddam Pike Maskeranoni afsonaviy futbolchi deb atagan edi. Bunga sabab sifatida esa u "Barselona" tarkibida biror marta gol ura olmaganini ko'rsatgan. Shu bilan birga "Barselona" muxlislari ham hujumchi Lionel Messidan penalti tepish huquqini Xaver Maskeranoga berishni so'raganlar.
— deya xabar beradi uff.uz nashri.