O'zbekiston milliy terma jamoasi yarim himoyachisi Shohruh Gadoev qishki transferlar vaqtida Bahrayn Premer Ligasi ishtirokchisi “Muharraq” klubi safiga ko'chib o'tgandi.
Mahoratli futbolchi allaqachon yangi jamoasining asosiy futbolchilardan biriga aylanib ulgurdi. Gadoev “Al Muharraq” safida 5 ta uchrashuvda maydonga chiqib, bir bor raqiblar darvozasini ishg'ol etishga ham muvaffaq bo'ldi.
Bahrayn Qiroli kubogi final uchrashuvida Shohruh Gadoev to'p surayotgan “Muharraq” azaliy raqibi – “Al Riffa”ga qarshi bahs olib bordiva juda murosasiz ruhda o'tgan matchda g'alaba qozonib, mazkur turnir g'olibiga aylandi. Ushbu sovrin Gadoev uchun yangi jamoasidagi dastlabki muvaffaqiyat bo'lgani sababli biz hamyurtimizning final o'yini taassurotlari bilan qiziqdik.
- Shohruh, “Riffa”ga qarshi kechgan final bahsi qanday o'tdi?
- To'g'risini aytadigan bo'lsam, o'yin juda keskin va murosasiz ruhda o'tdi. O'zi shunday bo'lishi oldindan ham ma'lum edi. Zero hech bir klub finalda mag'lub bo'lishni istamaydi. Bizning jamoa ham, raqib ham imkon qadar yaxshiroq o'ynashga va sovringa ega chiqishga intildi.
- “Muharraq” aynan nima evaziga g'alaba qozondi, deb o'ylaysiz…
- Biz raqib jamoani juda yaxshi o'rgangan edik. Murabbiylarimiz raqib ishtirokidagi bir nechta uchrashuv video-tasvirlarini bizga ko'rsatishdi. “Al Riffa”ning zaif nuqtalariga alohida e'tibor qaratgandik. Ya'ni jamoa a'zolarining katta bosimdan so'ng o'yin oxiriga kelib toliqib qolishlaridan foydalanishga urindik. Ustozlarimiz bergan ko'rsatmalar qo'l keldi va yakunda 3:1 hisobida zafar quchishga muvaffaq bo'ldik.
Davomi Sports.Uz blogida.
— deya xabar beradi uff.uz nashri.