"Inter" klubi hujumchisi Stevan Yovetich "Palermo"ga qarshi kechadigan Italiya chempionatining 28-tur uchrashuvida maydonga tusha olmaydi. Bu haqida Sky Sport telekanali xabar tarqatdi. Manbada aytilishicha, 26 yoshli chernogoriyalik futbolchi jarohatidan to'liq forig' bo'lmagan. Eslatib o'tamiz, hujumchi jarohati tufayli shuningdek "Yuventus"ga (3:0, penalti – 3:5) qarshi kechgan Italiya kubogi 1/2 final bosqichining javob uchrashuvini o'tkazib yuborishga majbur bo'ldi. Joriy mavsumda Yovetich 19ta o'yinda maydonga tushib, 4ta gol kiritgan.
— deya xabar beradi uff.uz nashri.