«Inter» klubi vitse-prezidenti Xaver Zanetti jamoaning sobiq hujumchisi Adrianoning taqdiri haqida so'zlab berdi.
«Adriano «Inter»ga kelgandayoq uning naqadar iqtidorli ekani ma'lum bo'lgan edi. Men o'shada uning «yangi Ronaldo» bo'lishini taxmin qildim, chunki u buning uchun barcha sifatlarga ega edi. Ammo bunday bo'lib chiqmadi.
U ko'plab muammolarni engib o'tdi — futbolchi qo'liga pul tusha boshlagan paytda o'zini yo'qotib qo'yishi ham mumkin. Har bir mashg'ulotdan so'ng u bilan alohida gaplashar edim, uning rejalari bilan qiziqardim.
Adrianoning otasi bor edi. Bir kuni telefon orqali unga otasi olamdan o'tganini xabar qilishdi. U trubkani qo'ygach, baqirib yig'lab yubordi…
Biz klub prezidenti Massimo Moratti bilan uni qo'llab-quvvatlashga harakat qildik, uning yonida bo'ldik. Adriano sabrli bo'ldi, har safar gol urganda qo'llari bilan samoni ko'rsatardi, bu bilan ularni otasiga bag'ishlar edi...
Ivan Kordoba ikkimiz uni ilhomlantirishga harakat qilardik. Uning darajasi Ibrohimovich va Ronaldo darajasida edi, balki ulardan ham o'zib ketarmidi... Ammo afsuski, Adriano ko'p siqildi va iqtidorini to'la namoyon eta olmadi», — dedi Zanetti.
Joriy yilning yanvar oyida 34 yoshli Adriano «Mayami Yunayted» klubi o'yinchisiga aylandi va jamoaning 40 foizlik aktsiyasini qo'lga kiritdi.
— deya xabar beradi uff.uz nashri.