"Milan" klubi hujumchisi Jakomo Bonaventura Italiyani tark etishi mumkin. TMW nashrining ma'lumotiga ko'ra, 26 yoshli italiyalik futbolchining xizmatlariga Angliyaning "Liverpul" jamoasi jiddiy tarzda qiziqmoqda. Bundan tashqari, Bonaventuraga Germaniyaning "Volfsburg" klubi tomonidan qiziqish ham bor. Manbada aytilishicha, milanliklar o'yinchini 20 million evrodan kamiga sotishmaydi. Joriy mavsumda Bonaventura Italiya chempionatining 25ta o'yinida maydonga tushib, 6ta gol hamda 8ta golli uzatmaga mualliflik qilgan.
— deya xabar beradi uff.uz nashri.