“Qo'qon-1912” – “Obod” uchrashuvidan keyin o'tkazilgan matbuot-anjumanida mehmonlar ustozi Shavkat Abduxo'jaev ishtirok etdi. – Avvalom bor, muxlislarni chempionat boshlangani bilan tabriklayman. Bugungi o'yin haqida gapiradigan bo'lsak, o'yin teng kurashlar ostida o'tdi. Vaziyatlardan foydalana olmadik. Bundan tashqari, Andrey Baklanov yaxshi o'yin namoyish etdi. Bugungi o'yinning qahramoni aynan Andrey bo'ldi, desam mubolag'a bo'lmaydi. – Mavsum arafasida jamoa Pavel Solominni hisobga olmaganda, deyarli transferni amalga oshirmadi. Asosan, yoshlarga ishonch bildirilyapti. Bu tarkib bilan sizlarga oson bo'lmasligi mumkin? – Fikringizga to'liq qo'shilaman. Mavsum davomida bu muammo yuzaga kelishi mumkin. Lekin har bir jamoa o'z imkoniyatlaridan kelib chiqib transferni amalga oshiradi. Biz ham shunday qildik. – Pavel Solominning bugungi o'yinidan ko'nglingiz to'ldimi? – Hatto superyulduzlpar ham xato qilishadi. Pavel vaziyatni golga aylantira olmagani chakki bo'ldi. O'ylaymanki, keyingi o'yinlarda u bizga yordam beradi.
— deya xabar beradi uff.uz nashri.