Har bir klubning buyuk raqami bo'ladi. «Manchester Yunayted»da «7» raqami, «Real»da «9» raqami qanday ahamiyat kasb etsa, «Barselona»da «102 raqami ana shunday ahamiyatlidir. Biz Kataloniyaliklarning buyuk «10» raqam egalaridan tuzilgan TOP-5 talikni sizga taqdim etamiz. E'tiborli jihati ana shu 5 nafar futbolchining barchasi Janubiy Amerikaliklardir.
5. Diego Maradona
Pele bilan futbol qirolligi uchun talashadigan Maradona «Barselona»da 1982-1984 yillar mobaynida to'p surgan. Bu davr ichida Diego 58 ta o'yin o'tkazib, o'z hisobiga 38 ta gol yozdirib qo'yadi. 2 yil ichida 3 ta musobaga g'olibligini qo'lga kiritgan Maradona 1984-yilda 10,4 mln.evro evaziga «Napoli»ga o'tib ketdi.
4. Romario
1000 tadan ortiq gol urgan kam sonli futbolchilardan biri hisoblanadigan Romario Ktalon klubi tarkibida 1993-1995 yillarda harakat qilgan. U 2 yil ichida 65 o'yin o'tkazib, 39 gol kiritgan. Romarioning debyut mavsumi juda omadli chiqqan edi. Braziliyalik hujumchi 30 ta gol urib chempionlik bilan birga to'purarlikni ham qo'lga kiritgan. U jamoa bilan shuningdek Ispaniya superkubogida ham g'olib chiqqan. 1994-yili esa «Oltin to'p» bilan taqdirlangan.
3. Rivaldo
Rivaldo «Barsa»da 1997-2002 yillar ichida 235 uchrashuvda 130 ta gol urgan. U Kataloniyaliklar bilan 4 ta musobaqaning oltin medallariga sazovor bo'ldi. Jumladan 2 bora Ispaniya chempionligini tantana qildi. 1999-yilda esa «Oltin to'p» bilan taqdirlandi. Rivaldo klub tarixidagi 9-to'purardir.
2. Ronaldino
Braziliyalik yarim himoyachi «Barselona» sharafini 2003-2008 yillarda himoya qilgan. Ronaldino bu davrda 234 o'yin o'tkazib, o'z hisobiga 94 ta gol yozdirib qo'ygan. Yarim himoyachilar uchun ajoyib ko'rsatkich! U jamoa bilan 5 yil ichida 5 ta musobaqada g'olib bo'ldi. Jumladan Chempionlar ligasi bosh sovrinini qo'lga kiritdi. Ronaldino «Oltin to'p» va Evropaning eng yaxshi futbolchisi kabi shaxsiy sovrinlarni ham qo'lga kiritdi.
Davomi Furqat Yusupov blogida.
— deya xabar beradi uff.uz nashri.