Madridning "Real" klubi yarim himoyachisi Garet Beyl agenti Jonatan Barnettning gaplari uchun jamoadoshi Krishtianu Ronaldudan uzr so'radi.
Uelslik futbolchining agenti Jonatan Barnett mijozi haqida gapirar ekan: "Garet Ronaldudan ko'p narsalar o'rganishi kerak. Ammo u dunyoning eng yaxshi modeli yoki eng yaxshi ich kiyim sotuvchisi bo'lishni istamasa kerak", degani matbuotda chop etilgan edi. Biroq Barnett bu gaplar o'ziga tegishli ekanini inkor etmoqda.
Shundan so'ng matbuotda bu gap Ronalduga og'ir botgani haqida xabarlar paydo bo'lgan edi. Vaziyat jiddiyligi boisidan "Real" bosh murabbiyi Rafael Benites Beylga qo'ng'iroq qilib, Ronaldu bilan munosabatlari qandayligi haqida so'ragan.
Beyl agentining gaplari sababli Ronaldudan uzr so'ragani aytilmoqda. Ammo Ronaldu Beyldan xafa emas va o'zaro munosabatlar yaxshiligi xabar qilingan.
— deya xabar beradi uff.uz nashri.