Butun dunyoda bo'lgani kabi mart oyining dastlabki kunlarida jannatmakon yurtimizda 8-mart xalqaro xotin-qizlar bayrami keng nishonlanadi. Bizlar uchun naqadar Aziz bo'lgan ayollar shu kunlarda yanada e'zozlanadi, ko'klarga ko'tariladi. Darxaqiqat, bizlar uchun muqaddas bo'lgan onalarimizni, aziz opa-singillarimizni har qancha e'zozlasak arziydi.
O'zbekiston dunyo mamlakatlari ichida o'z mavqei, ulkan o'zgarishlari, betimsol salohiyati bilan e'tibor qozonib borayotganini o'z ko'zimiz bilan ko'rib turibmiz. Shuningdek, mamlakatimizda xotin-qizlarning maqomini ko'tarish, turmush faoliyatini yaxshilash uchun sharotilar yaratish, barcha islohotlarda ularning ishtirokini kuchaytirish borasida misli ko'rilmagan ishlar amalga oshirilmoqda.
Biz mehr-muhabbat va odamiylikning ilk saboqlarini aziz onalarimizdan, ularning beshigimiz uzra parvona bo'lib aytgan alla ohanglaridan olamiz. Qalbimizda neki oliyjanob tuyg'ular bo'lsa, ularning barchasi avvalo onalarimizdandir. Dunyoda muqaddas degan so'zga eng munosib zot ham – Onadir. Shu bois toki hayot bor ekan, inson mo'tabar Ona siymosi oldida doimo bosh egib, ta'zim qiladi.
Bugun qaysi sohaga qaramang, xotin-qizlarimizning o'ziga xos o'rni, barcha islohotlarda munosib ishtiroki borligidan bexad quvonamiz. Ayniqsa, bu xursandchiligimizni milliy futbolimizda ham ko'rishimiz mumkin. Milliy chempionatimiz o'tkazila boshlangan dastlabki yillarda ayollar futboli xaqida deyari gapirishni imkoni yo'q edi. Yurtimizda milliy futbolimizga bo'lgan e'tibor sabab, bugun ayollar futboli ham rivojlanib taraqqiy etib bormoqda.
Erkaklar futbolida bo'lgani singari keyingi yillarda ayollar futbolida ham bir qancha yangi nomlar paydo bo'lmoqda. O'z xayotini futbolsiz tasavvur qila olmaydigan qizlarimiz qatoriga Opa-singil O'g'iloy va Sadoqat Ilashevalar, Xolida Dadaboeva, Nasiba Hojieva, Gulira'no Hasanova, Zebo Jo'raeva, Mohigul Ikromova, Gulshan Shodieva kabi bir qator iqtidorli qizlarimizni nomiini keltirib o'tishimiz mumkin.
Ayollar futboli o'zining ulkan yutuqlari bilan maqtana olmasada, lekin yurtimizda futbolga berilayotgan e'tibor sabab, yaqin kelajakada ayollar futboli o'zini xar tomonlama ko'rsatishiga shubxamiz yo'q. Jahon maydonlarida xaqiqiy o'zbekona, go'zal va oqila qizlarimizni ulkan zafarlarga erishishini tilab qolamiz.
Muxtarama ayollar! Aziz onajonlar, qadrli opajonu singiljonlar! Barchangizni shu tafakkur kunda, mexr va muxabbat porlayotgan, sevinchu shodiyonalik sepi yoyilgan aziz kunda ayyomingiz bilan butun futbol jamoatchiligi nomidan muborakbod etamiz! Dilimizdagi eng sara, eng ezgu, eng iliq tilaklarni faqat Sizlarga tilab kolamiz. Eng asosiysi biz Sizlarni yurak-yuragimizdan sevamiz!..
BAXTIMIZGA OMON BO'LING AZIZ AYoLLAR! Xayrullo VASIEV
— deya xabar beradi uff.uz nashri.