Madridning «Real» klubi darvozaboni Keylor Navas Chempionlar ligasi doirasida «Roma»ga qarshi kechadigan javob o'yini oldidan fikrlarini bildirib o'tdi. Eslatib o'tamiz, bu jamoalar o'rtasidagi ilk o'yinda madridliklar 2:0 hisobida g'alaba qozonishgan.
- Biz yana g'alaba qozonishni o'ylamoqdamiz, chunki «Real» uchun boshqacha natija bo'lishi mumkin emas. G'alaba uchun kurash - klubimizning qonida bor. G'alaba - bizning xobbimiz.
Yangi g'oya va qarashlarga ko'nikish uchun vaqt kerak. Unutmang, «Real» har doim kurashga qaytgan. Zidan faqatgina darvozaning yuqori «to'qqizligiga» gol urish uchun tug'ilmagan va u buni biladi. Murabbiy sifatida u bizga ko'p narsa bera oladi, - deydi darvozabon.
— deya xabar beradi uff.uz nashri.