Bugun Evropa Chempionlar ligasi 1/8 finalidan o'rin olgan yana ikkita o'yin bo'lib o'tadi. "Zenit" klubi o'z maydonida Portugaliyaning "Benfika" jamoasini qabul qilsa, Londonda "Chelsi" jamoasi "PSJ"ga qarshi bahs olib boradi. Dastlabki o'yinda sankt-peterburgliklar safarda kichik hisobda imkoniyatni boy berishgandi. Bugun Andre Villash Boash shogirdlari agar bexato o'ynab, raqib darvozasini 2 bor ishg'ol qila olishsa, kelsi bosqichga yo'l olishlari mumkin. Ammo bu oson bo'lmasligi aniq. "Chelsi" esa Parijda kechgan o'yinda 2:1 hisobida maydon egalariga mag'lub bo'lgandi. Gus Xiddink shogirdlarini bugun murakkab o'yin kutib turibdi, desak mubolag'a bo'lmaydi. Ammo "aristokratlar" safrada bitta gol kiritishganini inobatga oladigan bo'lsak, bu ularga bugungi javob o'yinida qo'l kelishi ham mumkin. "UzReport TV" telekanali bugun Toshkent vaqti bilan soat 00:45da boshlanadigan "Chelsi" va "PSJ" jamoalari o'rtasidagi o'yinni to'g'ridan-to'g'ri efirda namoyish qiladi. Eslatib o'tamiz, o'tgan yilning 1-dekabr kunidan boshlab "UzReport TV" telekanali sun'iy yo'ldosh orqali efirga uzatila boshladi. Endilikda sun'iy yo'ldosh orqali "UzReport TV" telekanaliga ulangan muxlislar mazkur o'yinlarni eng yuqori sifatli tasvirda tomosha qilishlari va o'yin zavqidan bahra olishlari mumkin bo'ladi.
— deya xabar beradi uff.uz nashri.