“Manchester Yunayted” jamoasi sobiq yarim himoyachisi Roy Kin “Chelsi” yarim himoyachisi Eden Azarning Di Mariya bilan tanaffus vaqtida futbolka almashishiga o'z munosabatini bildirdi. “Bunday voqeaga izoh berishga ham qo'rqaman. O'yindan so'ng ham bunday qilish yaramaydi. Tanaffus vaqtida esa gapirmasa ham bo'ladi. Men hayratga tushdim! Futbolchilar nima haqida o'ylaydi o'zi? Shunday muhim o'yinda bular futbolka almashib yuribdi. Ustiga-ustak tanaffus vaqtida-ya”, – deydi Roy Kin. Eslatib o'tamiz, Eden Azarning ushbu xatti-harakati “Chelsi” muxlislariga manzur kelmadi va ular belgiyalik futbolchiga hushtakbozlik qilishdi. 
— deya xabar beradi uff.uz nashri.