Evropa ligasining nimchorak finalidan o'rin olgan “Liverpul” hamda “Manchester Yunayted” klublari o'rtasidagi dastlabki uchrashuv o'z nihoyasiga etdi. Unda 2:0 hisobi qayd etilib, mersisaydliklarning g'alabasi bilan yakunlandi. Dastlab, o'yinning 20-daqiqasidayoq Daniel Starrij penaltidan gol kiritib, hisobni ochdi – 1:0. Taym oxiriga qadar “Liverpul“ yana bir necha bor De Xeani ranjitishi mumkin edi, ammo ispaniyalik posbon bir qancha ajoyib seyvlar amalga oshirib, jamoasini muqarrar gollardan qutqarib qoldi. Ikkinchi bo'limda ham “Liverpul“ ustunlikka ega bo'ldi va vaqti-vaqti bilan “MYu“ darvozasiga oldida xavfli vaziyatlar yaratib turdi. Ana shunday vaziyatlardan birida Roberto Firmino o'z epchilligi evaziga raqib darvozasiga ikkinchi golni ham kiritdi. Shunday so'ng ham Klopp shogirdlari to'pni raqibga berib qo'yishmadi va final hushtagiga qadar o'yin nazorati mersisaydliklar tomonida bo'ldi. Shu tariqa, “Liverpul“ “Enfild“da qiyinchiliksiz “Manchester Yunayted“ni mag'lub etdi va javob uchrashuvi oldidan o'zi uchun juda qulay natijaga erishdi. Evropa ligasi. Nimchorak final
Dastlabki uchrashuv Liverpul Angliya – Manchester Yunayted Angliya 2:0 (1:0, 1:0)
Gollar: 1:0 – 20, penalti Starrij, 2:0 – 73 Firmino.
Liverpul – Minole, Lovren, Moreno, Klayn, Sako, Koutino, Jan, Lallana, Xenderson, Firmino (Oriji, 84), Starrij (Allen, 64).
Manchester Yunayted – De Xea, Smolling, Roxo, Varela, Blind, Fellayni, Shnayderlin (Shvaynshtayger, 79), Mata (Errera, 79), Depay, Reshford (Kerrik, 46), Marsyal.
Ogohlantirishlar: Xenderson (2), Depay (19), Lovren (43), Reshford (45), Koutino (49), Fellayni (60).
— deya xabar beradi uff.uz nashri.