“Olmaliq” – “Nasaf” (2:1) o'rinbosarlari uchrashuvidan keyin “Nasaf” yoshlari ustozi Zafar XOLMURODOV bellashuv haqida o'z fikrlarini bildirib o'tdi.
— O'yinning birinchi bo'limi teng kurashlar ostida kechsada, ikkinchi bo'limda ustunlik to'liq biz tomonda bo'ldi, -deydi Z. Xolmurodov. – Dastlab mezbonlar gol urishdi, keyin tezda javob qaytardik. Hisob 1:1 bo'lib turgan paytda Dilshod Xushbakovda gol urish uchun yaxshi imkoniyat bo'ldi. Ammo “Olmaliq” himoyachisi bir vaziyatda to'pni darvoza chizig'i ustidan qaytarib, jamoasini goldan saqlab qoldi. Shundan keyin ham bizda hisobda oldinga chiqib olish uchun ko'plab imkoniyatlar bo'ldi. Ammo vaziyatlarni golga aylantirishda, biroz aniqlik etishmadi. O'yin oxirida belgilangan penaltidan keyin, afsuski, vaziyatni o'nglashga vaqt etmadi.
— deya xabar beradi uff.uz nashri.