2015/2016 yillar mavsumining  2- davrasi boshlanish arafasida Sovsport.ru sayti tahririyatiga tashrif buyurgan RPL prezidenti Sergey Pryadkin Rossiya futbolining bugungi holati, TV hamda homiylardan olinadigan daromadlar va boshqa dolzarb mavzularda ma'lumot berdi.
FIFA prezidenti saylovlarida ovoz bergani haqida
- RFI prezidenti Vitaliy Mutko topshirig'iga binoan, saylovda men ovoz berdim. Unda ilk marta shaffof kabinalardan foydalanildi. Ovoz berishdan avval ishtirokchilar o'z telefonlarini kabina yonidagi savatchada qoldirishdi. Barcha tashkiliy masalalar a'lo darajada bo'ldi.
Janni Infantino haqida
- Uni anchadan buyon yaxshi taniymiz. Infantino futbol hayotiga chuqur kirib ketgan inson. Juda qattiqqo'l. Platinining tashabbuslarini qo'llab-quvvatlaydi. UEFA rahbarligini qabul qilgan Mishel Platinining barcha g'oyalari aynan Infantinoning qat'iy nazorati ostida hayotga tadbiq etilgan.
To'g'ri, MFP qoidalari Rossiyaga salbiy ta'sir ko'rsatdi. Vitaliy Mutko bu masalada UEFAning litsenziya departamenti rahbari Andrea Traverso bilan samarali fikr almashdi. Albatta, MFP tizimi juda muhim, klublar uni qo'llab-quvvatlaydilar. Ammo bu masalada har bir davlatga alohida yondashish zarur. Masalan, Albaniyani Gollandiya bilan yoki Germaniyani Serbiya bilan tenglashtirib bo'lmaydi. Shuningdek, Rossiyani Angliya bilan. Jumladan, TV shartnomalari yoki reklama vaqtlarini sotish borasida. Hozir Xitoy klublari nimalar qilishayotganiga e'tibor bering. Bu - noto'g'ri! Boshqa qit'alarda MFP yo'q. To'g'ri aytasiz, bir paytlar «Anji»da ham shu holat kuzatilgandi. Aynan shu sababli ham qandaydir cheklovlar zarur. Infantino MFPni FIFAga tatbiq etishiga kelsak, bu haqda hech narsa bilmayman.
UEFAni kim boshqarishi haqida
- Dolzarb mavzu. Tashkilotning barcha a'zolari - 54ta federatsiyalari qatnashgan so'nggi kengashida biz ham ishtirok etdik. Sport arbitraj sudi Platini va Blatterga nisbatan qanday qarorga kelishini kutyapmiz. O'sha kengashda Mishel da'vo ariza bilan murojaat etishga to'la haqli ekani bir ovozdan ma'qullangan. Shu bois, saylov haqida fikr yuritishdan ma'ni yo'q. Shunday ekan, Platinini UEFA prezidenti lavozimiga qaytarish ehtimoli ham yo'q emas.
UEFA vitse-prezidenti (Ukraina futbol federatsiyasining sobiq prezidenti) Grigoriy Surkis tashkilotni boshqarishi mumkinmi? U erda nufuzli mutaxassislar etarli. Masalan, Anxel Lona. Surkis esa yaqinda vitse-prezident lavozimiga keldi. Evropadagi assotsiatsiyalar uni qo'llab-quvvatlashlariga ishonchim komil emas.
RPLdagi maydonlar holati haqida
- Jiddiy muammolar yuzaga kelmasligiga umid qilamiz. Maydonlar holatini nazorat qilishga yangi yildan keyin kirishdik. 4ta stadion - «Ximki Arena», «Kazan Arena», Ekateringburg va Samaradagi maydonlarda jiddiy kamchiliklar aniqlandi. Samaraliklar oldiga shart qo'yildi - stadion maysasi alamashtirilmaguncha «Krilya» o'z maydonida o'yin o'tkazmaydi. Hozir jamoa uy uchrashuvlarini Saranskda o'tkazmoqda. Chimni almashtirish uzog'i bilan may oyida yakunlanishi kerak.
«Ximki»da xizmatchilar soni ko'paytirildi. TsSKA bosh direktorii Roman Babaev hamda «Dinamo» rahbariyati arena mutasaddilari bilan muloqotda bo'lishdi. Men Qozon Meri Ilsur Metshin bilan suhbatlashdim. Samaradan tashqari, boshqa stadionlarda echilmagan muammolar qolmadi, hisob.
RPL taqvimi haqida
Sport vaziriga amaldagi taqvim manzur bo'ldi. Yagona muammo - Rossiya kubogining finali. Leonid Slutskiy 25 mayni mo'ljallamoqda (taqvimga ko'ra, final 29 may sanasiga belgilangan). Qozonda tashkillashtiriladigan bahs dam olish kuni o'tkazilishini muxlislar taklif qilishyapti. Shu sababli, chempionatning qaysidir turini shanba-yakshanbadan haftaning boshqa kuniga ko'chirishimiz mumkin.
Klublarning futbolchilarga haq to'lashlari xususida
- Menimcha, jamoalarning 75 foizi o'yinchilar maoshlarini rublda belgilashgan. Yuqori saviyadagi futbolchilar, legionerlarning ish haqi ham rublda, lekin xorijiy valyutalar kursiga asosan to'lanadi. Maoshlarning o'z vaqtida berilishiga kelsak, faqat 2-3 jamoada biroz kechikishlar mavjud. 2-davra «zayavka»siga kiritilgan futbolchilardan klub qarzdor bo'lmasligi shart. Shu sababli, bu masala vaqtida hal etilyapti.
«Kuban», Pavlyuchenko va Arshavin haqida
- «Kuban»dagi vaziyat o'z holiga keltiriladi. Yangi gubernator Veniamin Kondratev qattiqqo'l rahbar. RFIning prezidenti bilan uchrashganidan xabarim bor. Men esa janob Mkrtchan (direktorlar kengashining raisi) bilan suhbatlashdim. Jamoani Pavlyuchenko va Arshavindan qarzdorligi xususida Oleg Arteshevich bilan ko'pchilik muloqot qilishdi. Umumiy vaziyatni muhokama qildik. Andreyning o'zi bilan gaplashganim yo'q. Uning kelajagimi? U o'ynash istagida. Keyinchalik funktsioner sifatida faoliyat yuritsa, ajabmas.
Qishki transferlar xususida
- Qishki transfer mavsmini «qashshoq» emas, kamtarin, deb baholayman. Barcha jamoalar o'z moliyaviy siyosatiga tegishli o'zgarishlar kiritishmoqda, kuchaytirilishi zarur bo'lgan pozitsiyalarga mablag' sarflashdi. Lekin bu bilan chempionatning keskinligiga putur etmadi. G'oliblik va evrokuboklar yo'llanmalari kimga nasib etishini hozir ham oldindan siylashning iloji yo'q.
MFPning qaysidir jamoaga zarari haqida
- Hozircha MFP tekshiruvidan qaysi jamoalarning o'tishi aniq emas. O'ylashimcha, «Rostov» klubining faoliyatiga bir qator savollar tug'ilishi mumkin. «Lokomotiv»da hammasi risoladagidek. O'ylashimcha, jamoalarning evrokuboklardan chetda qolishlarini uning rahbarlari ko'tara olmaydilar. Hatto ELdagi ishtirok ham tobora manfaatli bo'lib bormoqda. G'olib jamoa naq 9 mln. evroga ega chiqadi.
 Muxlislarning stadionlarga tashrifi haqida
- 2 stadionni foydalanishga topshirilishi muxlislar tashrifining keskin oshishiga sabab bo'lishi mumkin. Men TsSKA va «Krasnodar» arenalarini nazarda tutyapman. Muxlislarga nafaqat chiroyli va sermazmun o'yin, uni miriqib tomosha qilishga imkon beradigan sharoit ham kerak. Bundan tashqari, stadion nechog'li qulay nuqtada joylashgani ham muhim ahamiyatga ega. Mana ko'rasiz, TsSKA Ximkidan Moskvaga ko'chib o'tgach, tashrif ko'lami bir necha barobarga oshadi. «Dinamo»da ham xuddi shunday manzarani kutish mumkin. PLdagi o'rtacha tashrif deysizmi? Menimcha, 13-15 mingdan boshlansa kerak. Tan olaman, so'nggi paytlarda muxlislar tashrifi pasayib ketdi. Lekin tez orada ijobiy o'zgarishlar bo'ladi.
Markaziy uchrashuvlarning vaqti xususida
- «NTV-Plyus»ning «Match TV»ga o'zgartirilishi sezilarli siljishlarga olib kelmadi. Shunchaki, tomonlar qo'shimcha kelishuvga imzo chekdilar. Biz 3 mavsumga shartnoma tuzganmiz. Liga har bir mavsum uchun 1,6 mlrd. rubl (taxminan 22 mln. dollar) oladi. Ta'kidlash joizki, xalqaro telehuquqlar sotuvini muvaffaqiyatli amalga oshirdik. Tenderga 3ta kompaniya da'vogarlik qildi. Yakunda IMG g'olib chiqdi. Shartnoma qiymati 7 mln. dollarga yaqin. Bu hozirgi davr uchun muhim jihat. Boshqa kanallarga namoyish etish masalasiga kelsak, translyatsiya huquqi «Match TV» tasarrufida. Boshqa kanallar u bilan kelishib ish ko'radilar. Biz chun manfaatli jihati shundaki, o'yin davomida bizning reklama roliklarimiz qo'shimcha kanallarda ham efirga uzatiladi. Jumladan, «Rossgosstrax» kompaniyasining reklamalari ham. Bu kompaniya bilan imzolagan bitim har mavsum 300 mln. rubl daromad keltiradi. Aytishim mumkinki, Rossiya chempioni 6 mln. dollar qiymatga teng mablag'ga ega bo'ladi, turnir jadvalining quyi pog'onalaridagi jamoalar 1,5 mln.ga yaqin olishadi.
Davomi  InterFUTBOL gazetasi blogida.
— deya xabar beradi uff.uz nashri.