"Barselona" klubi sobiq hujumchisi Samuel Eto'O kataloniyaliklar hujumchisi Lionel Messi haqida fikr bildirdi va uni "Real" hujumchisi Krishtianu Ronaldu bilan qiyosladi.
"Men Messini kuchliroq deb bilaman. Uning o'yini qay tarzda kuchayib borganini o'z ko'zim bilan ko'rganman.
Men "Barselona"ga o'tgan vaqtlarimda u hali bolakay edi. Uning kamtarligini bilaman va bu iqtidori bilan yana o'n yil dunyo futbolida etakchi bo'lib turishiga ishonaman.
O'zimga keladigan bo'lsak, men "Barselona"da Messi bilan birga o'ynamaganman, aksincha, u men bilan birga o'ynagan", - deydi Eto'O.
Eslatib o'tamiz, ayni vaqtda "Antalyaspor" klubi sharafini himoya qilayotgan hujumchi 2004 yildan to 2009 yilga qadar "Barselona"da to'p surgan edi.
— deya xabar beradi uff.uz nashri.