"PSJ" hujumchisi Zlatan Ibrahimovich "Trua"ga qarshi kechgan bahsda poker qayd etib, jamoasining 9:0 hisobidagi g'alabasiga hissa qo'shgach, yangi shartnoma borasidagi savolga hazil aralash javob qaytardi.
"Parijliklar Eyfel minorasi o'rniga mening haykalimni qo'ya olishlariga ishonchim komil emas, ammo shunday bo'lgan taqdirda "PSJ"da qolishga roziman.
Ayni vaqtdagi holatga ko'ra esa, men kelasi yil "PSJ"da o'ynamayman", - deydi Ibrahimovich.
Eslatib o'tamiz, hujumchining klub bilan shartnomasi yozda yakuniga etadi va u erkin agent maqomida boshqa jamoaga o'tib ketishi mumkin. Ibrahimovich joriy mavsum Frantsiya chempionatida 24 uchrashuvda maydonga tushib 27 ta gol urgan va 11 ta golli uzatmani amalga oshirgan.
— deya xabar beradi uff.uz nashri.