“Bunyodkor” – “Zob-Ahan” uchrashuvi oldidan tashkil etilgan matbuot anjumanining ikkinchi qismida “qaldirg'ochlar” ishtirok etishdi.
“Bunyodkor” bosh murabbiyi Sergey Ivanovichga hujumchi Bahodir Nasimov xamrohlik qildi.
- Ertaga yaxshi o'yin bo'lishini kutyapman. Bahs har ikkala jamoa uchun juda qiyin o'tishini tahmin qilish qiyin emas. “Zob-Ahan” qarshi hujumlarda yaxshi harakat qiladigan, tartibli jamoa. Juda kam xatolar qiladi. Lekin o'ziga yarasha kamchiliklari ham bor. Eron futboli haqida ko'proq Bahodir Nasimov Sizlarga ma'lumot bergani ma'qul.
- “Bunyodkor”ni natijalari xuddi o'tgan yilgi ishtirokni esga solmoqda...
- Buni vaqt ko'rsatadi. Men jamoamdan mamnunman. Yigitlar mashg'ulotlarda yaxshi ishlashmoqda. Ertaga muxlislarimiz ko'magi ostida o'ynaymiz. Muxlislar daldasi biz uchun muhim. O'ylaymanki, bu yilgi natijalarimiz boshqacha bo'ladi.
- “Bunyodkor” OChLdagi so'nggi to'rtta uy uchrashuvda 0:1 hisobida imkoniyatni boy berdi. Bu qandaydir tasodifmi?
- Avvalgi uy o'yinlarimizda penaltilardan gollar o'tkazdik. Lekin raqibga qaraganda ko'proq vaziyatlar yaratgandik. Qandaydir omadimiz chopmadi. Masalan, ertaga beshta gol urishimiz ham mumkin. Futbolda oldindan hech narsa deb bo'lmaydi. Bu – sport, unda hamma narsa bo'lishi mumkin.
- “Zob-Ahan”ni kamchiliklari haqida ham ma'lumot yig'dingizmi?
- “Zob-Ahan” – ishlab turgan mashina! Ular kuchli va baquvvat yigitlarga ega. Deyarli xato qilmaydi. Raqibni yaxshi o'rgandik. Ularning kamchiliklari haqida hozir aytolmayman.
- Golli vaziyatlardan samarali foydalanish borasida mashg'ulotlarda qanday ishlar qilinadi?
- Ishoning, biz juda ko'p mehnat qilamiz. Umumiy mashg'ulotlardan tashqari, har bir chiziq vakillari bilan indvidual tarzda ish olib boramiz. Mana oldimda hujumchi o'tiribdi. Bahodir Nasimov aytib berishi mumkin mashg'ulotlarimiz qandayligini.
Bahodir Nasimov (“Bunyodkor” hujumchisi): - Eron chempionatidagi tajribamdan kelib chiqib shuni aytamanki, forslar asosan himoyaga e'tibor qaratishadi. “Padideh”da men bilan o'ynagan ikkita sobiq jamoadoshim bugungi kunda “Zob-Ahan”da to'p tepishmoqda. Ular himoya chizig'ida harakat qilishadi. O'zi Eronda maydonga tushgan barcha 11ta futbolchi ham himoyada, ham hujumda o'ynaydi. Ularning eng asosiy maqsadi – yutqazmaslik.
— deya xabar beradi uff.uz nashri.