“Yuventus” jamoasi hujumchisi Mario Manjukich “Bavariya”ga qarshi EChL 1/8 final javob o'yinida maydonga tushishi ma'lum bo'ldi. Bu haqda Football Italia xabar bermoqda. Avvalroq, 29 yoshli xorvatiyalik futbolchi bo'lajak o'yinni o'tkazib yuborishi xabar qilingandi. Qayd etish kerakki, “Bavariya”ga qarshi o'yinni Paulo Dibala, Jorjo Kellini va Klaudio Markizio o'tkazib yuboradi. Eslatib o'tamiz, “Bavariya” – “Yuventus” uchrashuvi ertaga, Toshkent vaqti bilan tungi 00:45 da boshlanadi. Dastlabki uchrashuvda jamoalar 2:2 hisobida durang qayd etgan edi.  
— deya xabar beradi uff.uz nashri.