Madridning “Real” klubi prezidenti Florentino Peres Zayniddin Zidanga bildirgan ishonchini yo'qotdi. Bu haqda  Voz Populi nashri xabar bermoqda. Peres frantsiyalik mutaxassisning olib borayotgan ishidan va jamoaning mazmunsiz o'yinidan ko'ngli to'lmayapti. Shu sababli, prezident “Chelsi”dan haydalgan va bir vaqtlar “Real”ni boshqargan portugaliyalik mutaxassis Joze Mourinoni Madridga taklif qilmoqchi. Peresning fikricha, ayni damda faqatgina Mourino klubdagi futbolchilarni boshqarishga qodir. Qayd etish kerakki, Mourino 2010-2013 yillar davomida “Real”da faoliyat olib borgan. Uning qo'li ostida madridliklar Ispaniya chempioni (2011/12), Ispaniya Kubogi (2010/11) va Ispaniya Superkubogi (2012) sohibi bo'lgan.  
— deya xabar beradi uff.uz nashri.