“Bunyodkor” – “Zob-Ahan” uchrashuvidan keyingi matbuot anjumanining birinchi qismida eronliklar ustozi ishtirok etdi. “Uchrashuv oson o'tmasligini ta'kidlagandim. Himoya chizig'idagi tartibli o'yinimiz tufayli Toshkentdan bir ochko bilan qaytyapmiz. Shogirdlarim bugun bor kuchlari bilan harakat qilishdi. Ulardan xursandman. Ikkala jamoada ham gol urish uchun vaziyatlar bo'ldi. O'ylashimcha, o'z darvozalari daxlsizligini saqlab qolgan posbonlar bugungi bahsning eng yaxshilari bo'lishdi. Ikkinchi bo'limda “Bunyodkor” tajovuzkor o'yin ko'rsata boshladi. Bunday pallada ko'proq orqa chiziqni mustahkamlash haqida o'ylab, hujumga kamroq o'tdik. Isfahonda bo'ladigan bahs qaysidir ma'noda bizga osonroq o'tadi. “Bunyodkor”, “Lahviya” va “An-Nassr” klublarini Osiyoning kuchli jamoalari, deb o'ylayman. Ushbu kvartetdan keyingi bosqichga chiqish hech kimga oson bo'lmaydi. Ammo biz oxirigacha kurashamiz, - deydi Yahyo Gulmuhammadi.
— deya xabar beradi uff.uz nashri.