Toshkent vaqti bilan 16 martdan 17 martga o'tar kechasi Myunxendagi “Alyants-Arena” o'yingohida “Bavariya” hamda “Yuventus” klublari o'rtasida Evropa Chempionlari ligasi nimchorak finalining javob o'yini bo'lib o'tdi. Dastlabki uchrashuvda 2:2 hisobidagi jangovar natijani qayd etgan jamoalar o'rtasidagi hal qiluvchi bahs avvalgisidan-da shiddatli kechdi.
Dunyoning eng kuchli murabbiyi boshqarayotgan Germaniya superklubi 0:2 hisobida ortda bora turib, dastavval hisobni tenglashtirishning uddasidan chiqqan bo'lsa, qo'shimcha bo'limlarda Alkantara va Koman tomonidan urilgan gollar “Bavariya”ni EChL chorak finaliga olib chiqdi.
Ushbu g'alaba myunxenliklarni turnir rekordchisiga aylantirdi. Ma'lum bo'lishicha, “Bavariya” 15 marta musobaqa chorak finaliga chiqqan ilk jamoa ekan. Bundan tashqari, nemis jamoasi o'z maydonida o'tkazilgan EChLning 7 ta o'yinida qatorasiga uch yoki to'rttadan gol urmoqda. Bu ham rekord.
Tafsilot.uz ushbu uchrashuvning eng muhim onlari muhrlangan fotoreportajni e'tiboringizga havola qiladi. Shiddat, ehtiroslar va kutilmagan voqealarga boy bo'lgan dramatik o'yin taassurotlardan yana bir marta zavq oling. Marhamat!
Davomi Tafsilot.Uz blogida.
— deya xabar beradi uff.uz nashri.