Avstriya terma jamoasi himoyachisi David Alaba “Bavariya” bilan yangi shartnoma imzoladi. Bu haqida myunxenlik klub rasmiy sayti xabar tarqatdi. O'yinchining yangi shartnomasi 2021 yilning yoziga qadar mo'ljallangan. Shu tariqa, “Bavariya” hamda himoyachi o'rtasidagi kelishuv uch yilga uzaytirildi. “Men shu klubda o'sib ulg'aydim. Bu erda ko'plab sovrinlarni qo'lga kiritdim. Uyog'iga ham shu yusinda davom etishini istayman”, — deydi Alaba. Eslatib o'tamiz, avstriyalik futbolchi “Bavariya” safida 2009 yildan buyon to'p surib kelmoqda.
— deya xabar beradi uff.uz nashri.