Bugun Mustaqil O'zbekistonimizning futboli tarixida 23-marta O'zbekiston Kubogi finali o'tkaziladi. Qarshining “Nasaf” jamoasi o'z tarixida beshinchi marta ana shunday final uchrashuvida maydonga tushadi. “Nasaf” muxlislarining yoqimtoyi va ishongan murabbiyi Ro'ziqul Berdiev murabbiy sifatida nufuzi yuqori uchrashuvda uchichi marta o'z shogirdlarini maydonga olib tushadi.
Biz ayni paytda Jizzax shahrida bo'lib turibmiz, bo'lajak final atrofidagi suhbat va mulohazalarning guvohi bo'lib turibmiz. Qaerda bo'lmang faqat final haqida fikrlar.
Ayni paytda Jizzax shahrida vaqti-vaqti bilan yomg'ir yog'moqda, havo harorati oldingi kunlarga nisbatan salqinroq.
Bizni quvontirgan br holat shuki mahalliy muxlislarning “Nasaf”ga bo'lgan munosabati ancha ijobiy ekan. Kim bilan suhbat qilmang “Nasaf”ga muxlislik qilishini aytmoqda. Biz shu erda bir narsani esga oldik, Ko'plab jizzaxlik muxlislar 2011 yili Qarshiga OFK Kubogi finaliga tashrif buyurishib, “Nasaf”ni xuddi o'zlarining jamoalari kabi qo'llab-quvvatlaganliklarini ham guvohi bo'lganmiz. Bugun ham ular xuddi shunday “Nasaf”ga muxlislik qilishmoqchi. Biz fursatdan foydalanib, ana shunday ko'p sonli JIZZAXLIK MUXLISLARga butun Qashqadaryolik futbol ishqibozlari nomidan kattadan-katta tashakkurlar izhor etib qolamiz. Sizlarning ham “Sug'diyona”dek o'zbek futbolida o'z o'rniga ega jamoangiz ana shunday finallarda ishtirok etsin va o'zining ijobiy natijalari bilan doimo xursand etsin degan, ezgu tilaklarimizni bildirib qolamiz.
jonsonBugun erta tongdan Qarshi shahridan “Nasaf” PFK muxlislar klubi etakchisi O'ktam Uzoqov boshchiligidagi faol muxlislar ham Jizzax shahri tomon yo'lga chiqishdi. Ular ham bayramona kayfiyatda, shuningdek finalga ham astoydil tayyorgarlik ko'rishdi. Bugungi finalga nafaqat Qarshi shahridan balki Qashqadaryoning hamma joyidan ming-minglab muxlislar finalga tashrif buyurishadi, ularning eng faollari esa kechaning o'zida Jizzaxga etib kelishgan. Barcha “Nasaf” muxlislarining bu safar o'z sevikli jamoasiga ishonchi yuqori va O'zbekiston Kubogini Qashqadaryo vohasiga olib ketish umidida.  Bugun muxlislar tarixiy o'yinga, tarixiy voqeaga – “Nasaf”ning O'zbekiston Kubogini boshi o'zra baland ko'tarishidek quvonchli onlarga guvoh bo'lsalar ajab emas. Hamma-amma muxlislar ana shu quvonchli voqeani ko'rish istagida. O'z o'rnida ularning nomidan “Nasaf” jamoasiga kuch-quvvat tilagan holda, bugungi o'yinda omad tilab qolamiz! SIZLARGA ZAFAR YoR BO'LSIN YIGITLAR! BIZ SIZLAR BILANMIZ! Ziyodulla Safarov
— deya xabar beradi uff.uz nashri.